આખરે, દયાભાભી ઉલ્ટા ચશ્મામાં પાછા ફરશે, એ કોણ હશે ?

અસલી દયાભાભી હવે નહીં આવે એ નિર્માતા અસિત કુમાર મોદીએ સ્વીકારી લીધું લાગે છે. તેમણે 'તારક મહેતા કા ઉલ્ટા ચશ્મા'માં દયાભાભી પાછા ફરી રહ્યા એવી જાહેરાત કરી હતી, તેથી 'દયાબેન'ના ચાહકોમાં ઘણો આનંદ લાવ્યો છે. 10 વર્ષ સુધી આ ભૂમિકા ભજવનાર દિશા વાકાણીએ વર્ષ 2017માં મેટરનિટી લીવ લીધી હતી અને ફરી ક્યારેય સિરિયલમાં પાછી ફરી નથી. તે બે બાળકો સાથે પારિવારિક જીવન માણી રહી છે. એમ છતાં નિર્માતા અસિત કુમાર મોદી કહે છે કે તેઓ એક-બે મહિનામાં દયાબેનને પરત લાવવાની આશા રાખી રહ્યા છે.

અસિત કુમાર મોદીએ કહ્યું, 'શોના દર્શકો તેમના મનપસંદ દયાબેનને સ્ક્રીન પર પાછા જોવા માટે ધીરજપૂર્વક રાહ જોઈ રહ્યા છે. જ્યારે દિશાને શોમાં પાછા આવવા અને દયાબેનની ભૂમિકા વિશે પૂછવામાં આવ્યું ત્યારે તેમણે જવાબ આપ્યો, 'હું હંમેશા જીવન પ્રત્યે સકારાત્મક અભિગમ રાખું છું. અને જેમ તેઓ કહે છે, કંઈપણ શક્ય છે. તેથી જ્યારે મને આશા છે કે દિશા શોમાં પરત ફરશે, ત્યારે મેં ભૂમિકા માટે અભિનેત્રીઓના ઓડિશન લેવાનું શરૂ કર્યું છે. દિશા તેના પારિવારિક જીવનનો આનંદ માણી રહી છે અને શોમાં તેના યોગદાન માટે હું તેનું ખૂબ સન્માન કરું છું.

અસિત મોદી માટે પણ બે પડકાર છે. મોદીએ એ અંગે તેમણે કહ્યું કે, દયા ભાભી કો લના પડેગા અને પોપટલાલના લગ્ન વિશે વિચારવું પડશે. આ સમયે મારી સામે આ બે મોટા પડકારો છે.