અમેરિકાના રાષ્ટ્રપતિની ચૂંટણીમાં રિપબ્લિકન પાર્ટીના ઉમેદવાર ડોનાલ્ડ ટ્રમ્પને બહુમતી મળી છે. ડોનાલ્ડ ટ્રમ્પે 277 ઈલેક્ટોરલ વોટ મેળવ્યા છે, જ્યારે કમલા હેરિસને 224 ઈલેક્ટોરલ વોટ મળ્યા છે. અમેરિકન ચૂંટણીમાં કુલ 538 ઈલેક્ટોરલ કોલેજ છે. જીતવા માટે 270 ઇલેક્ટોરલ વોટ જીતવા જરૂરી છે. ઈલેક્ટોરલ અને પોપ્યુલર વોટમાં કમલા હેરિસ ટ્રમ્પથી ઘણા પાછળ રહ્યા છે.

વિજયની જાહેરાત કરતા પહેલા ફ્લોરિડાના પામ બીચ કાઉન્ટીમાં સંમેલન કેન્દ્રમાં રિપબ્લિકન સમર્થકોની ભીડને સંબોધતા ડોનાલ્ડ ટ્રમ્પે કહ્યું હતું કે, "આ અમેરિકન લોકો માટે એક જબરદસ્ત જીત છે, જે અમને અમેરિકાને ફરીથી મહાન બનાવવા માટે સક્ષમ બનાવશે."

પોતાના સમર્થકોને સંબોધતા ટ્રમ્પે કહ્યું, "અમે મતદાતાઓ માટે બધું જ યોગ્ય બનાવવા જઈ રહ્યા છીએ. આ એક રાજકીય જીત છે જે આપણા દેશે પહેલા ક્યારેય જોઈ નથી. 47માં રાષ્ટ્રપતિ તરીકે, હું દરરોજ તમારા માટે લડીશ." આ અમેરિકા માટે એક મહાન વિજય છે, જે અમેરિકાને ફરીથી મહાન બનાવશે.

ટ્રમ્પે કહ્યું, "જ્યાં સુધી અમે આપણા બાળકોને મજબૂત, સુરક્ષિત અને સમૃદ્ધ અમેરિકા ન આપીએ ત્યાં સુધી હું આરામ કરીશ નહીં. તેમણે દાવો કર્યો હતો કે ભવિષ્ય અમેરિકા માટે "સુવર્ણ યુગ" હશે.

ભારતના વડાપ્રધાન નરેન્દ્ર મોદીએ ટ્રમ્પને અભિનંદન પાઠવ્યા અને તેમને પોતાના મિત્ર ગણાવ્યા હતા. મોદીએ તેના પર લખ્યું, ચાલો આપણે બધા આપણા લોકોના ભલા માટે સાથે મળીને કામ કરીએ અને વૈશ્વિક શાંતિ, સ્થિરતા અને સમૃદ્ધિને પ્રોત્સાહન આપીએ.

અમેરિકાની ચૂંટણીમાં ટ્રમ્પનો ઐતિહાસિક વિજય

અત્યાર સુધીમાં, વિશ્વની સૌથી મોટી અર્થવ્યવસ્થા અમેરિકામાં લગભગ 750 લાખ મતદારો મેલ દ્વારા અથવા મતદાન મથકો પર મતદાન કરશે. લગભગ 35 ભારતીય મૂળના ઉમેદવારો મેદાનમાં છે. રાષ્ટ્રપતિની ચૂંટણીઓથી લઈને યુએસ સ્ટેટ હાઉસ અને પ્રાંતીય એસેમ્બલી, પ્રાંતીય સેનેટ, સિટી કાઉન્સિલ, એટર્ની જનરલ અને રાજ્ય સ્તરીય શાળા બોર્ડ વગેરે સુધીના તમામ સ્તરે યોજાનારી ચૂંટણી માટે વિક્રમજનક સંખ્યામાં ભારતીયો ચૂંટણી મેદાનમાં છે.

જ્યારે ભારતીય મૂળના બે ભારતીયો નિક્કી હેલી અને વિવેક રામાસ્વામી રિપબ્લિકન પાર્ટી તરફથી પ્રમુખપદની રેસમાં વ્યાપકપણે સામેલ હતા, ત્યારે નાટકીય વળાંક આવ્યા બાદ ભારતીય મૂળના ઉપપ્રમુખ કમલા હેરિસનું નામાંકન કરવામાં આવ્યું હતું. ડેમોક્રેટિક પાર્ટી તરફથી પ્રેસિડેન્ટ આ પદ માટે દાવેદારી મળી છે અને હવે તે રિપબ્લિકન પાર્ટીના ઉમેદવાર ડોનાલ્ડ ટ્રમ્પને ટક્કર આપી રહી છે.

ફેડરલ સંસદ અને પ્રાંતીય એસેમ્બલીની વાત કરીએ તો અહીં પણ લગભગ 35 ભારતીયો ચૂંટણી લડી રહ્યા છે. આ વખતે પણ યુએસ હાઉસ ઓફ રિપ્રેઝન્ટેટિવ ​​(લોકસભા) માટે રેકોર્ડ સંખ્યામાં 11 ઉમેદવારો મેદાનમાં છે. પ્રાંતીય સ્તરે પણ 25થી વધુ ભારતીયો વિધાનસભા માટે પોતાનું નસીબ અજમાવી રહ્યા છે.

રિપબ્લિકન પાર્ટીના ઉપરાષ્ટ્રપતિ પદના ઉમેદવાર જેડી વેન્સે ભારતીય શાકાહારી વાનગીઓની પ્રશંસા કરી છે. જેમાં તેણે ભારતીય ફૂડના વખાણ કર્યા અને કહ્યું કે શાકાહારીઓના ભોજનમાં ઘણી વિવિધતા છે. ચૂંટણીના 48 કલાક પહેલા, કમલા હેરિસ ભારતીય મતદારોને આકર્ષવા માટે તેમના બાળપણના ભારત પ્રવાસની ચર્ચા કરતી જોવા મળી હતી.

આજે અમેરિકામાં રાષ્ટ્રપતિ પદની ચૂંટણી, 750 લાખ લોકો મત આપશે

દુનિયાભરમાં અવારનવાર શક્તિશાળી અને નબળા દેશોની વાત થાય છે. સામાન્ય રીતે, દેશોની તાકાત સૈન્ય શક્તિના સંદર્ભમાં જોવામાં આવે છે, પરંતુ વૈશ્વિક ક્ષેત્રે, શક્તિનું પ્રમાણ બહુ-પરિમાણીય છે. આમાં, લશ્કરી શક્તિની સાથે, રાજકીય પ્રભાવ અને દેશના આર્થિક સંસાધનો પણ મહત્વપૂર્ણ ભૂમિકા ભજવે છે. આ ઉપરાંત આંતરરાષ્ટ્રીય જોડાણોમાં પણ તેનો પ્રભાવ જોવા મળે છે. યુએસ ન્યૂઝે 2024માં વિશ્વના ટોચના શક્તિશાળી દેશોની રેન્કિંગ જાહેર કરી છે. આ રેન્કિંગમાં ટોપ ટેન દેશમાં ભારતને સ્થાન મળ્યું કે નહીં એ ચર્ચાનો વિષય બની ગયો છે.

આ રેન્કિંગ તૈયાર કરવા માટે પાંચ મુદ્દા નક્કી કરવામાં આવ્યા છે. આ મુદ્દામાં - એક નેતા (વિશ્વમાં નેતૃત્વ), આર્થિક પ્રભાવ, રાજકીય પ્રભાવ, મજબૂત આંતરરાષ્ટ્રીય જોડાણ અને મજબૂત સૈન્યનો સમાવેશ કરાયો હતો.

યુએસ ન્યૂઝનું આ રેન્કિંગ મોડલ BAV ગ્રુપ દ્વારા તૈયાર કરવામાં આવ્યું છે, જે વૈશ્વિક માર્કેટિંગ કોમ્યુનિકેશન કંપની WPPનું એકમ છે. ઉપરાંત, યુનિવર્સિટી ઓફ પેન્સિલવેનિયાના વોર્ટન સ્કૂલના પ્રોફેસર ડેવિડ રીબસ્ટીનની આગેવાની હેઠળના સંશોધકોએ યુએસ ન્યૂઝ એન્ડ વર્લ્ડ રિપોર્ટના સહયોગથી તેને તૈયાર કર્યું છે. રેન્કિંગમાં માર્ચ મહિના માટે જીડીપીના આધારે અર્થતંત્ર અને વસ્તીનો ખાસ ઉલ્લેખ કરવામાં આવ્યો છે. આ યાદીમાં અમેરિકા 27.97 ટ્રિલિયન ડોલરની અર્થવ્યવસ્થા સાથે ટોચ પર છે. અમેરિકાની વસ્તી 339.9 મિલિયન છે. બીજા ક્રમે ચીન છે જેની અર્થવ્યવસ્થા રૂ. 18.56 ટ્રિલિયન છે. ચીનની વસ્તી 1.42 અબજ છે. રશિયા 1.90 ટ્રિલિયન ડોલર અર્થતંત્ર અને 144 મિલિયન વસ્તી સાથે ત્રીજા ક્રમે, જર્મની 4.70 ટ્રિલિયન ડોલરનું અર્થતંત્ર અને 83.2 મિલિયન વસ્તી સાથે ચોથા અને બ્રિટન 3.59 ટ્રિલિયન ડોલરનું અર્થતંત્ર અને 67.7 મિલિયન વસ્તી સાથે પાંચમા ક્રમે છે.

આ યાદીમાં દક્ષિણ કોરિયા છઠ્ઠા નંબર પર છે. એ પછી સાતમા ક્રમે ફ્રાન્સ , આઠમા ક્રમે જાપાન, નવમા ક્રમે સાઉદી અરેબિયા અને દસમા ક્રમે યુએઇ છે. મતલબ કે ટોપ ટેન શક્તિશાળી દેશોમાં ભારતને સ્થાન મળ્યું નથી. આ યાદીમાં ભારત છેક બારમા ક્રમે છે. હા, ઇઝરાઇલ પણ 11 મા ક્રમે છે, તેથી ભારત બહુ પાછળ ન કહેવાય એટલું આશ્વાસન લઇ શકાય. ભારતની અર્થવ્યવસ્થા 3.39 ટ્રિલિયન ડોલરની છે.

દુનિયાના શક્તિશાળી દેશોની યાદીમાં ભારતનું સ્થાન ક્યું ?

રશિયાના રાષ્ટ્રપતિ વ્લાદિમીર પુતિનના કટ્ટર વિરોધી અને વિપક્ષી નેતા એલેક્સી નવલેનીનું જેલમાં રહસ્યમય સંજોગોમાં મૃત્યુ થયું હતું. યામાલો-નેનેટ્સ પ્રદેશની જેલ સેવા દ્વારા એલેક્સી નવલેનીને મૃત જાહેર કરવામાં આવ્યા હતા. થોડા દિવસ પહેલાં જ નવલેનીને આ જેલમાં ખસેડવામાં આવ્યો હતો.

યામાલો-નેનેટ્સ ઓટોનોમસ ડિસ્ટ્રિક્ટની ફેડરલ પેનિટેન્ટરી સર્વિસે તેની વેબસાઇટ પોસ્ટમાં જણાવ્યું હતું કે શુક્રવારે વોક લીધા પછી નવલેનીએ અસ્વસ્થતા અનુભવી હતી અને લગભગ તરત જ બેહોશ થઈ ગયો હતો.નવલેની બેહોશ થઇ જતાં તરત જ બોલાવવામાં આવેલા તબીબી સ્ટાફે નવલેનીને મૃત જાહેર કર્યા હતા. જો કે તેના મૃત્યુનું કારણ હજુ જાણવા મળ્યું નથી.આવતા મહિને રશિયામાં રાષ્ટ્રપતિની ચૂંટણી યોજાવાની છે, ત્યારે વિપક્ષી નેતા નવલેનીના મોતને ગંભીર ઘટના ગણવામાં આવે છે.

દરમિયાન ક્રેમલિને એક નિવેદનમાં જણાવ્યું હતું કે જેલ સેવા નવલેનીના મૃત્યુની તમામ તપાસ કરી રહી છે. રશિયાના સૌથી અગ્રણી વિપક્ષી નેતા અને પુતિનના ઉગ્ર ટીકાકાર એલેક્સી નવલેનીને ગયા વર્ષે ઓગસ્ટમાં રશિયાની અદાલતે ઉગ્રવાદના આરોપમાં વધુ 19 વર્ષની જેલની સજા ફટકારી હતી. મોસ્કોથી લગભગ 1,900 કિમી (1,200 માઇલ) ઉત્તરપૂર્વમાં યામાલો-નેનેટ્સ પ્રદેશમાં કઠોર પરિસ્થિતિઓ માટે કુખ્યાત જેલમાં નવલેની સજા ભોગવતા હતા.

નવલેની જાન્યુઆરી 2021 થી રશિયામાં જેલમાં હતા.જર્મનીમાં નર્વ એજન્ટના હુમલામાંથી સાજા થયા બાદ મોસ્કો પરત ફર્યા બાદ તેમની ધરપકડ કરવામાં આવી હતી. નવલેનીએ નર્વ એજન્ટ હુમલા માટે ક્રેમલિનને જવાબદાર ઠેરવ્યું હતું. ધરપકડ પહેલાં, તેમણે રશિયામાં ચાલી રહેલા ભ્રષ્ટાચાર સામે ઝુંબેશ ચલાવી હતી અને મોટા વિરોધ પ્રદર્શનનું આયોજન કર્યું હતું. ત્યારથી તેને ત્રણ વખત જેલમાં સજા કરવામાં આવી હતી.

રશિયન રાષ્ટ્રપતિ પુતિનના કટ્ટર વિરોધી નવલેનીનું જેલમાં રહસ્યમય મોત

કેનેડામાં હિન્દુ મંદિર પર થયેલા હુમલા પર પીએમ નરેન્દ્ર મોદીએ આકરી પ્રતિક્રિયા આપી છે. તેમણે કહ્યું કે આવી કાર્યવાહીથી ભારતના સંકલ્પને નબળો નહીં પડે. સોશિયલ મીડિયા પ્લેટફોર્મ X પર પોસ્ટ કરતા પીએમ મોદીએ કહ્યું કે કેનેડામાં હિન્દુ મંદિર પર થયેલા હુમલાની હું સખત નિંદા કરું છું. આપણા રાજદ્વારીઓને ડરાવવાના આ કાયર પ્રયાસો ભયાનક છે. આ પ્રકારની હિંસા ભારતના સંકલ્પને ક્યારેય નબળો પાડી શકે નહીં. અમે અપેક્ષા રાખીએ છીએ કે કેનેડા સરકાર ન્યાય સુનિશ્ચિત કરે અને કાયદાનું શાસન જાળવી રાખે.

ઓન્ટારિયો પ્રાંતના બ્રામ્પટન શહેરમાં સ્થિત હિન્દુ સભા મંદિરમાં ખાલિસ્તાન સમર્થકો દ્વારા ભક્તો પર હુમલો કરવામાં આવ્યો હતો, જેના કારણે ત્યાં ભારે રોષ જોવા મળ્યો હતો. અગાઉ, વિદેશ મંત્રાલયના પ્રવક્તા રણધીર જયસ્વાલે એક નિવેદનમાં હિન્દુ સભા મંદિરમાં ઉગ્રવાદીઓ અને અલગતાવાદીઓ દ્વારા કરવામાં આવેલી હિંસાની નિંદા કરી હતી.

તેમણે જસ્ટિન ટ્રુડોની આગેવાની હેઠળની કેનેડાની સરકારને અપીલ કરી હતી કે તમામ ધાર્મિક સ્થળોને આવા હુમલાઓથી સુરક્ષિત રાખવા જોઈએ. જયસ્વાલે કહ્યું કે અમને એ પણ આશા છે કે હિંસામાં સામેલ લોકો સામે કાર્યવાહી થશે. અમે કેનેડામાં ભારતીય નાગરિકોની સુરક્ષાને લઈને ખૂબ જ ચિંતિત છીએ. પરંતુ, ધમકીઓ, કનડગત અને હિંસા છતાં, ભારતીયો અને કેનેડિયન નાગરિકોને સેવાઓ પૂરી પાડવા માટે અમારા કોન્સ્યુલર અધિકારીઓ સુધી લોકોની પહોંચને અટકાવવામાં આવશે નહીં.

કેનેડાના વડાપ્રધાન જસ્ટિન ટ્રુડોએ આ હિંસાની નિંદા કરી છે. તેમણે કહ્યું કે બ્રામ્પટનમાં હિન્દુ સભા મંદિરમાં થયેલી હિંસા સ્વીકારી શકાય નહીં. દરેક કેનેડિયનને સ્વતંત્ર રીતે અને સુરક્ષિત રીતે તેના ધર્મનું પાલન કરવાનો અધિકાર છે.

 કેનેડામાં હિન્દુ મંદિર પર હુમલા અંગે મોદીએ શું કહ્યું ? 

અમેરિકી રાષ્ટ્રપતિની ચૂંટણી માટે આજે મતદાન થશે. આ ચૂંટણીમાં મુખ્ય મુકાબલો કમલા હેરિસ અને ડોનાલ્ડ ટ્રમ્પ વચ્ચે જ રહેશે. જો કે આ બે ઉમેદવારો ઉપરાંત બીજા નાના પક્ષો તથા અપક્ષોએ ઉમેદવારી કરી છે. આ ચૂંટણીની મતગણતરી મતદાન પુરૂં થયા બાદ શરૂ થતાં આવતી કાલે પરિણામ જાહેર થઈ જશે. યાદ રહે કે અમેરિકા શ્રીમંત તથા વિકસીત મહાસત્તા હોવા છતાં મતદાન ઈવીએમ મશીન દ્વારા થશે નહીં. આ ચૂંટણીનું પરિણામ તો 538 ઈલેક્ટ્રોલ મતદારો જ નક્કી કરશે.

અંદાજે 17 કરોડ મતદારો ડોનાલ્ડ ટ્રમ્પ અને કમલા હેરિસના ભાવિનો નિર્ણય કરશે. તેમની વચ્ચે 26 લાખ ભારતીય મતદારો પણ છે. સૌથી વધુ ધ્યાન તે 7 સ્વિંગ રાજ્યોની 93 બેઠકો જ વિજેતા નક્કી કરશે.

મતદાન પૂર્ણ થયા પછી, બેલેટ પેપરની ગણતરી કરવામાં આવે છે. પવન ક્યા રસ્તે ફૂંકાઈ રહ્યો છે તે ચૂંટણીની રાત્રિના અંત સુધીમાં જાણી શકાય છે. મતદાન સામાન્ય રીતે સાંજે 6:00 થી 8:00 વાગ્યાની વચ્ચે બંધ થશે અને એ પછી ગણતરી શરૂ થશે અને 11 વાગ્યા સુધીમાં તોકોણ જીતી રહ્યું છે તે અનુમાન મળવા માંડશે.

ચૂંટણી પૂરી થતાંની સાથે જ એક્ઝિટ પોલ આવવા લાગે છે, જે મોટાભાગે પરિણામની નજીક હોય છે. પરંતુ કેટલીકવાર તેઓ વિપરીત પણ થાય છે, જેમ કે હિલેરી ક્લિન્ટનની ચૂંટણી દરમિયાન થયું હતું.

ચૂંટણી પ્રક્રિયાનો અંતિમ તબક્કો ડિસેમ્બરમાં આવે છે જ્યારે ઇલેક્ટોરલ કૉલેજ ઔપચારિક રીતે તેનો મત આપે છે. રાજ્યના ગવર્નર અથવા રાજ્યના સચિવ પરિણામો પ્રાપ્ત કરશે અને કોંગ્રેસ સત્તાવાર રીતે 6 જાન્યુઆરી, 2025 ના રોજ ચૂંટણી મતોની ગણતરી કરશે.

અમેરિકાના લોકો તેમના રાષ્ટ્રપતિને સીધા જ પસંદ કરી શકતા નથી. તેના બદલે, તેઓ ઇલેક્ટોરલ કૉલેજમાં મતદારોને મત આપે છે. આ મતદારો પાછળથી રાષ્ટ્રપતિની પસંદગી કરે છે.અમેરિકામાં કુલ 538 મતદારો છે, જે હાઉસ ઓફ રિપ્રેઝન્ટેટિવના 435 સભ્યો, 100 સેનેટરો અને વોશિંગ્ટન ડીસીના 3 મતદારોના પ્રતિનિધિઓ છે. જે પણ ઉમેદવારને 270 ઈલેક્ટોરલ વોટ મળશે તે સરકાર બનાવશે.

નવા ચૂંટાયેલા રાષ્ટ્રપતિ 20 જાન્યુઆરી 2025ના રોજ શપથ લેશે. તેમનો કાર્યકાળ ચાર વર્ષનો છે.

અમેરિકાની ચૂંટણીમાં વિજય તો 538 ઈલેક્ટ્રોલ જ નક્કી કરશે ! 

ફ્રાન્સમાં લગભગ 200 માધ્યમિક શાળાઓ ગ્રેડ 6 થી 8 એ વર્ગમાં સ્માર્ટફોન લાવવા પર પ્રતિબંધ મૂકવાનો નિર્ણય કર્યો છે. ફ્રાન્સ 'ડિજિટલ બ્રેક' નામ આપવામાં આવ્યું છે. હાલમાં આ અભિયાન પરીક્ષણ તબક્કામાં છે.

આ નિર્ણય મોબાઈલ અને ઈલેક્ટ્રોનિક ઉપકરણો પર કિશોરોનો સ્ક્રીન ટાઈમ ઘટાડવા અને તેમને ઓનલાઈન શોષણ અને સાઈબર ધમકીઓથી બચાવવા માટે લેવામાં આવ્યો છે. અહેવાલો અનુસાર, કિશોરો અને શાળા સ્ટાફ બંને આ પ્રયોગથી સંતુષ્ટ હોવાનું કહેવાય છે. જો આ પરીક્ષણ સફળ થાય છે, તો તેને 2025 સુધીમાં ફ્રાન્સની તમામ શાળાઓમાં લાગુ કરવામાં આવશે.

કિશોરો સવારે શાળાએ આવે ત્યારે તેઓનો મોબાઈલ ફોન શિક્ષકોને આપી દે છે. જ્યાં સુધી તેઓ શાળામાં હોય ત્યાં સુધી તેમના મોબાઈલ ફોન ખૂબ જ સુરક્ષિત બ્રીફકેસમાં રાખવામાં આવે છે. આ માટે, સંબંધિત શાળાઓએ જાતે ભંડોળ એકત્ર કર્યું છે અને બ્રીફકેસ જેવા સ્ટોરેજ સાધનો ખરીદ્યા છે.

ફ્રાન્સના શિક્ષણ પ્રધાન નિકોલ બેલોબેટે સોશિયલ મીડિયા પોસ્ટમાં જણાવ્યું હતું કે, "બાળકો શાળામાં આવે છે અને તેમના ફોન શિક્ષકને આપે છે. નવા શાળા વર્ષ માટે આ એક નવો નિયમ છે. 200 શાળાઓમાં તેનું પરીક્ષણ કરવામાં આવી રહ્યું છે. અમે ખરેખર શરૂ કરી રહ્યા છીએ. શાળાઓમાં 'ડિજિટલ બ્રેક', આ પણ શાળાના કાર્યનો એક ભાગ છે.

આ દેશે શાળાઓમાં સ્માર્ટફોન ઉપર પ્રતિબંધ મુક્યો 

ગૂગલનું ન્યૂઝ સર્વિસ પ્લેટફોર્મ ગૂગલ ન્યૂઝ લાંબો સમય બંધ રહ્યા બાદ પુનઃસ્થાપિત કરવામાં આવ્યું છે. આ સિવાય ગૂગલ ડિસ્કવર પણ લાંબા સમય સુધી ડાઉન રહ્યું. જો કે હવે ગુગલની બંને સેવાઓ પહેલાની જેમ કામ કરી રહી છે. લગભગ 6 વાગ્યાની આસપાસ ગૂગલની આ સેવાઓ બંધ હોવાની માહિતી મળી હતી. લગભગ બે કલાક સુધી એ સેવાઓ બંધ રહી હોવાનું જાણવા મળે છે. એન્ડ્રોઇડ અને આઇઓએસ બંને વપરાશકર્તાઓને આ સમસ્યાનો સામનો કરવો પડ્યો.

વેબ વર્ઝનની સાથે, લેટેસ્ટ ન્યૂઝ ફીડ ગૂગલ ન્યૂઝની એન્ડ્રોઇડ અને iOS એપ પર લોડ થઈ રહી ન હતી. એરર હોવાના મેસેજ આવતા રહ્યા હતા. એન્ડ્રોઇડ યુઝર્સની ગૂગલ ન્યૂઝ એપમાં લેટેસ્ટ ન્યૂઝ ફીડ લોડ થતી ન હતી. પરંતુ થોડા સમય માટે સેવા બંધ રહ્યા બાદ ફરી પૂર્વવત કરવામાં આવી છે. હવે નવી ફીડ યુઝર્સની ડિસ્કવરમાં લોડ થઈ રહી છે.

આ સિવાય ગૂગલ ડિસ્કવર પણ ડાઉન હતું. અહીં યુઝર્સ માટે ફીડમાં સમાચાર આવતા ન હતા. કેટલાક યુઝર્સે એવી ફરિયાદ પણ કરી છે કે તેમની ડિસ્કવરમાં બે દિવસ જૂના સમાચાર આવી રહ્યા હતા અને કેટલાક યુઝર્સને એરર જોવા મળતી હતી.

ગૂગલની ટ્રેન્ડ ટેલીંગ સર્વિસ પણ ડાઉન હતી. અહીં રિયલ ટાઈમ સર્ચ ટ્રેન્ડ્સ માટે ફીડ લોડ થતું ન હતું. સમાચાર સેવા બંધ હોવા અંગે ગૂગલ તરફથી કોઈ પ્રતિક્રિયા આપવામાં આવી નથી.

ગૂગલ ન્યૂઝ બે કલાક બંધ રહેતાં યુઝરો પરેશાન

દેશમાં સાત તબક્કામાં યોજાયેલી લોકસભા ચૂંટણી 2024 માટે આજે છેલ્લા 7માં તબક્કા માટે મતદાન થશે. છેલ્લા તબક્કામાં આઠ રાજ્યોની 57 લોકસભા બેઠકો માટે મતદાન થશે. આ તબક્કામાં 904 ઉમેદવારોએ ચૂંટણી લડી રહ્યા છે. સાત તબક્કાનું મતદાન પૂર્ણ થયા બાદ 4 જૂને મતગણતરી હાથ ધરાશે. મતદાન સવારે 7 વાગ્યાથી શરૂ થશે.

ભારતના ચૂંટણી પંચે કહ્યું કે છેલ્લા તબક્કામાં પંજાબની તમામ 13 લોકસભા બેઠકો, હિમાચલ પ્રદેશની ચાર અને ચંદીગઢની એક બેઠક માટે પણ મતદાન થશે. આ સિવાય બિહારની બાકીની આઠ, ઝારખંડની ત્રણ, ઓડિશાની પાંચ, ઉત્તર પ્રદેશની 13 અને પશ્ચિમ બંગાળની નવ બેઠકો માટે મતદાન થશે. પંચે જણાવ્યું હતું કે અંતિમ તબક્કા માટે પંજાબની 13 બેઠકો માટે મહત્તમ 598 ઉમેદવારી પત્રો દાખલ કરવામાં આવ્યા હતા. આ પછી યુપીની 13 સીટો માટે 495 ઉમેદવારી પત્રો મળ્યા હતા, સૌથી વધુ 73 બિહારની જહાનાબાદ સીટ પરથી, 70 પંજાબની લુધિયાણા સીટ પરથી. હવે આ તબક્કા માટે તમામ બેઠકો પર સરેરાશ 16 ઉમેદવારો પોતાનું નસીબ અજમાવી રહ્યા છે. અત્યાર સુધીમાં છ તબક્કામાં 543 લોકસભા બેઠકોમાંથી 486 બેઠકો માટે મતદાન થયું છે. 36માંથી 28 રાજ્યો અને કેન્દ્રશાસિત પ્રદેશોમાં પણ મતદાન સમાપ્ત થઈ ગયું છે.

આજે છેલ્લા તબક્કામાં 57 બેઠકો માટે મતદાન 

સિંગાપોરમાં ફરી એકવાર કોરોનાએ દસ્તક આપી છે. અહીં 5 થી 11 મે સુધીમાં 25,900 થી વધુ કોરોના કેસ નોંધાયા છે. કોરોનાના વધતા જતા કેસોને જોતા આરોગ્ય મંત્રી ઓંગ યે કુંગે લોકોને માસ્ક પહેરવાની અપીલ કરી છે.

કોરોનાના વધતા જતા કેસો અંગે માહિતી આપતાં આરોગ્ય મંત્રી ઓંગ યે કુંગે કહ્યું કે અત્યારે આપણે કોવિડના પ્રારંભિક મોજામાં છીએ. અહીં કોરોનાના કેસ સતત વધી રહ્યા છે. અનુમાન લગાવવામાં આવી રહ્યું છે કે આગામી બેથી ચાર અઠવાડિયામાં કોરોના તરંગ તેની ટોચ પર હશે. આ સમય જૂનના મધ્ય અને અંતની વચ્ચે રહેશે.

સિંગાપોરમાં કોરોના દર્દીઓની હોસ્પિટલમાં દાખલ થવાની સંખ્યા સતત વધી રહી છે. એક અઠવાડિયાથી દરરોજ 181 કોરોના દર્દીઓ હોસ્પિટલમાં દાખલ થઈ રહ્યા હતા. હવે આ આંકડો વધીને 250 થઈ ગયો છે. જો કે, ગયા અઠવાડિયે બે કેસની સરખામણીએ ICUમાં દાખલ થયેલા કેસોની સંખ્યા હવે ત્રણમાંથી એક છે.

આરોગ્ય મંત્રાલયે કહ્યું છે કે હોસ્પિટલની પથારીની ક્ષમતા જાળવવા માટે, સાર્વજનિક હોસ્પિટલોએ તેમના બિન-તાકીદના વૈકલ્પિક શસ્ત્રક્રિયાના કેસોને ઘટાડવા જોઈએ. આ સિવાય જે દર્દીઓની ઘરેથી સારવાર શક્ય છે તેમને ઘરે પાછા મોકલવા જોઈએ.

સ્વાસ્થ્ય મંત્રી ઓંગ યે કુંગે લોકોને અપીલ કરી અને કહ્યું કે જે લોકો ગંભીર બીમારીથી પીડિત છે અથવા જેઓ 60 કે તેથી વધુ ઉંમરના છે તેમણે કોરોના વેક્સિનનો વધારાનો ડોઝ લેવો જોઈએ.

કોરોનાનો ફરી ઉપાડો, આ દેશમાં અઠવાડિયામાં 25 હજાર કેસ 

એલોન મસ્ક થોડા વર્ષો પહેલા ટ્વિટર સંભાળ્યું હતું. આ પછી તેમણે નામ બદલીને 'X' કરી દીધું. નામ બદલી નાંખ્યા પછી લોગો બદલી નાંખ્યો હતો. હવે તેઓએ એક્સનુંનું URL બદલ્યું છે. તેનો અર્થ એ કે તમે ક્યાંય ટ્વિટર વાંચવા નહીં મળે. પરંતુ URL'X.com' થી શરૂ થવા જઈ રહ્યું છે.

જો તમે ટ્વિટરના URL પર જશો તો પણ તે સીધું 'X' પર ટ્રાન્સફર થઈ જશે. જ્યારે વેબ સંસ્કરણમાં પણ તમને યુઆરએલ x.com જ જોવા મળશે. આ એક મોટો નિર્ણય છે અને કંપનીએ તેનું URL સંપૂર્ણપણે ટ્રાન્સફર કરી દીધું છે. યાદ રહે કે એલન મસ્કે 14 એપ્રિલ 2022 ના રોજ ટ્વિટર હસ્તગત કરી લીધું હતું. ત્યારથી, તેમાંસતત ફેરફારો કરવામાં આવી રહ્યા છે અને 23 જુલાઈ 2023 ના રોજ ટ્વિટરનું નામ બદલીને એક્સ કરી નાંખવામાં આવ્યું હતું.

ઈલોન મસ્કે પણ યુઆરએલ બદલવા અંગે ટ્વિટ કર્યું છે. તેમણે કહ્યું કે હવે તમને તમામ માહિતી ફક્ત X પર જ મળશે. વાસ્તવમાં પહેલા માત્ર ટ્વિટર યુઆરએલનો ઉપયોગ થતો હતો. Xએ તેની પોસ્ટમાં તેના યુઝર્સને પણ જાણ કરી છે કે URL બદલાઈ ગયો છે. આ સિવાય એલોન મસ્ક એપમાં ઘણા ફેરફારો પર પણ વિચાર કરી રહ્યા છે.

મસ્ક સ્માર્ટફોનમાં ઉપલબ્ધ એપને સુપરએપ બનાવવા પર વિચાર કરી રહી છે. હકીકતમાં, તેની મદદથી પેમેન્ટ પણ કરી શકાય એવી મસ્કની ઇચ્છા છે. આ સિવાય યુઝર્સને અહીં અન્ય સુવિધાઓ પણ મળી શકે છે, આની મદદથી લોકો જલ્દી જ ટ્રેન અને એર ટિકિટ બુક કરી શકશે. ઉપરાંત એપ પર ટૂંક સમયમાં ગેમિંગ સર્વિસ પણ શરૂ થવા જઈ રહી છે. યુટિલિટી આધારિત સેવા અંગે પણ આ જ બાબત કરવામાં આવી રહી છે.

એલન મસ્કે ટ્વીટરને નામશેષ કરવા લીધો આ નિર્ણય

બ્રિટનમાં એક વ્યક્તિએ તેની પત્નીની હત્યા કરીને તેના 224 ટુકડા કરી નાખ્યા હતા. જો કે ગયા વર્ષે હત્યા કર્યાનું રહસ્ય એક વર્ષ પછી ખુલ્યું છે.

બ્રિટિશ મીડિયા 'મેટ્રો' અનુસાર, નિકોલસ મેટસને તેની પત્ની હોલી બ્રેમલીની હત્યા કર્યા બાદ તેના શરીરના અંગોને થોડા દિવસો સુધી ઘરમાં રાખ્યા હતા. બાદમાં તેણે ટુકડા ફેંકી દેવા મિત્રને રૂપિયા 5000 આપ્યા હતા.

રિપોર્ટમાં કહેવામાં આવ્યું છે કે હોલીની હત્યા કરતા પહેલા મેટસને તેના પાલતુ પ્રાણીઓને માઇક્રોવેવમાં શેક્યા હતા. તેણે ઇન્ટરનેટ પર સર્ચ કર્યું હતું - જો તેની પત્ની મૃત્યુ પામે તો તેને શું ફાયદો થશે? શું તે મરી ગયા પછી મને ડરાવશે?

પોલીસે કોર્ટને જણાવ્યું કે હત્યાનું કારણ સ્પષ્ટ નથી, પરંતુ મેટ અને હોલી છૂટાછેડા લેવાના હતા. પોલીસને હોલીના ગુમ થવાના સમાચાર મળ્યા હતા. તે છેલ્લે 17 માર્ચ 2023ના રોજ ઘરમાં પ્રવેશતો જોવા મળ્યો હતો.સમાચાર મળ્યા બાદ પોલીસ અધિકારીઓ મેટસનના ઘરે પહોંચ્યા. તેણે હોલી વિશે પૂછ્યું હતું. પછી મેટસને કહ્યું, "કદાચ તે પલંગની નીચે સંતાઈ રહી છે."

પોલીસને ઘરમાંથી લોહીની ગંધ આવતી હતી. આ પછી મેટસનની ધરપકડ કરવામાં આવી હતી. 25 માર્ચ, 2023 ના રોજ, ઘટનાના 8 દિવસ પછી, હોલીના શરીરના 224 ટુકડાઓ એક નદીમાંથી મળી આવ્યા હતા.

હોલીનો હાથ પોલીથીન બેગમાંથી મળી આવ્યો હતો. તેનું માથું બીજી બેગમાં હતું. માથા પર વાળ નહોતા. પોલીસના જણાવ્યા અનુસાર હજુ પણ ઘણા શરીરના અંગો મળ્યા નથી.

પોલીસે જણાવ્યું હતું કે ધરપકડ દરમિયાન મેટસનના ઘરની તપાસ કરવામાં આવી હતી. એવું લાગતું હતું કે અમે કોઈ ગુનાના સ્થળે છીએ. તે સમયે, બેડરૂમમાં ફ્લોર અને બેડશીટ પર લોહીના નિશાન મળી આવ્યા હતા. બાથરૂમમાંથી લોહી, એમોનિયા અને બ્લીચ પણ મળી આવ્યા હતા. તેનો ઉપયોગ લોહીને શુદ્ધ કરવા માટે થાય છે.

પોલીસના જણાવ્યા અનુસાર રસોડાની નજીક સ્ટોર રૂમમાં એક મોટા ફ્રીઝરમાં પોલિથીનની બેગ પણ મળી આવી હતી. તેના પર લોહી હતું. જો કે, ઘરમાંથી શરીરના કોઈ અંગો મળ્યા નથી.

World