ભારતે ચેમ્પિયન્સ ટ્રોફીના ગ્રુપ સ્ટેજમાં ન્યુઝીલેન્ડનેહરાવીને સેમીફાઈનલમાં સ્થાન મેળવી લીધું છે. હવે સેમીફાઈનલમાંભારતનો મુકાબલો ઓસ્ટ્રેલિયા સાથે થશે. ભારત અને ઓસ્ટ્રેલિયા વચ્ચે ચેમ્પિયન્સ ટ્રોફીની સેમિફાઇનલ મેચ 4 માર્ચે રમાશે. મેચ ભારતીય સમય મુજબ બપોરે 2:30 વાગ્યે શરૂ થશે, ટોસ બપોરે 2 વાગ્યે થશે.

ચેમ્પિયન્સ ટ્રોફી 2025 ની શરૂઆત ભારતે બાંગ્લાદેશને હરાવીને કરી હતી. 6 વિકેટથી હરાવ્યા બાદ, ભારતે પાકિસ્તાનને પણ 6 વિકેટથી હરાવ્યું હતું. ન્યૂઝીલેન્ડ સામેની ત્રીજી મેચમાં ભારત44 રનથી જીત્યું છે. ચેમ્પિયન્સ ટ્રોફીમાં ટીમ ઈન્ડિયાએ અત્યાર સુધી રમાયેલી બધી મેચ સરળતાથી જીતી લીધી છે.

રોહિત શર્મા ત્રણેય મેચમાં ટોસ હારી ગયો હતો પરંતુ તેણે બધી મેચ સરળતાથી જીતી લીધી હતી. તેણે લક્ષ્યનો પીછો કરતી વખતે તેની શરૂઆતની બંને મેચ જીતી હતી, જ્યારે ન્યુઝીલેન્ડ સામે તે પહેલા બેટિંગ કરતી વખતે જીતી હતી. હવે, તેઓ સેમિફાઇનલમાં ઓસ્ટ્રેલિયા સામે ટકરાશે.ચેમ્પિયન્સ ટ્રોફી 2025 ની સેમિફાઇનલમાં ભારત અને ઓસ્ટ્રેલિયા વચ્ચે પહેલી સેમિફાઇનલ અને દક્ષિણ આફ્રિકા અને ન્યુઝીલેન્ડ વચ્ચે બીજી સેમિફાઈનલ રમાશે.ભારત અને ઓસ્ટ્રેલિયા વચ્ચેની સેમિફાઇનલ મેચ પણ દુબઈના દુબઈ ઇન્ટરનેશનલ ક્રિકેટ સ્ટેડિયમમાં રમાશે.

ચેમ્પિયન્સ ટ્રોફીની સેમીફાઈનલમાં ભારત કોની સામે રમશે ?

ઓસ્ટ્રેલિયાએ ICC મેન્સ ચેમ્પિયન્સ ટ્રોફી 2025 ના સેમિફાઇનલમાં પોતાનું સ્થાન નિશ્ચિત કરી લીધું છે.જો કે આજે ભારત અને ન્યૂઝીલેન્ડ તેમજ ઈંગ્લેન્ડ અને દક્ષિણ આફ્રિકા વચ્ચે મેચ રમાશે, એ પછી સેમીફાઈનલના દાવેદાર નક્કી થશે. શુક્રવારે અફઘાનિસ્તાન અને ઓસ્ટ્રેલિયા વચ્ચેની મેચમાં વરસાદ વિલન બન્યો હતો.

શુક્રવારે લાહોરના ગદ્દાફી સ્ટેડિયમ ખાતે ઓસ્ટ્રેલિયા અને અફઘાનિસ્તાન વચ્ચેની મેચ વરસાદને કારણે રદ કરવામાં આવી હતી. પ્રથમ બેટિંગ કરતા, અફઘાનિસ્તાને 50 ઓવરમાં ઓલઆઉટ થતાં પહેલા 273 રન બનાવ્યા. ૨૭૪ રનના લક્ષ્યાંકનો પીછો કરતા ઓસ્ટ્રેલિયાએ ૧૨.૫ ઓવરમાં એક વિકેટ ગુમાવીને ૧૦૯ રન બનાવ્યા હતા ત્યારે વરસાદ શરૂ થયો અને મેચ રોકી દેવામાં આવી. લાંબી રાહ જોયા પછી પણ મેચ ફરી શરૂ થઈ શકી નહીં અને અમ્પાયરોએ મેચ રદ કરવાનો નિર્ણય લીધો.

આ મેચ ડ્રો થયા બાદ, ઓસ્ટ્રેલિયા અને અફઘાનિસ્તાનને 1-1 પોઈન્ટ આપવામાં આવ્યા. જે બાદ ઓસ્ટ્રેલિયાએ 4 પોઈન્ટ સાથે સેમિફાઈનલમાં પોતાનું સ્થાન નિશ્ચિત કરી લીધું છે. અફઘાનિસ્તાનના 3 મેચ બાદ ફક્ત 3 પોઈન્ટ છે અને તેમનો નેટ રન રેટ પણ ખૂબ ઓછો છે. આ સ્થિતિમાં, તે સેમિફાઇનલની રેસમાંથી બહાર થઈ ગઈ. ઓસ્ટ્રેલિયાએ પહેલી મેચમાં ઇંગ્લેન્ડને હરાવ્યું હતું જ્યારે દક્ષિણ આફ્રિકા સામેની બીજી મેચ વરસાદને કારણે રદ કરવામાં આવી હતી. ત્રીજો મેચ પૂર્ણ થઈ શક્યો નહીં અને તેમને 3 મેચમાં 4 પોઈન્ટ મળ્યા અને તેઓ પોઈન્ટ ટેબલમાં પણ પ્રથમ સ્થાને આવી ગયા છે.

ટુર્નામેન્ટની પહેલી સેમિફાઇનલ 4 માર્ચે અને બીજી સેમિફાઇનલ 5 માર્ચે રમાશે. આ પહેલા શનિવારે ઈંગ્લેન્ડ વિરુદ્ધ દક્ષિણ આફ્રિકા અને ભારત વિરુદ્ધ ન્યુઝીલેન્ડ વચ્ચે મેચ રમાશે.

ઓસ્ટ્રેલિયા સામે અફઘાનિસ્તાન કેમ ઘૂંટણીયે પડ્યું, જાણો રહસ્ય  

પેરિસ ઓલિમ્પિકમાં સ્પર્ધાના નવમા દિવસે રવિવારે (4 ઓગસ્ટ) ભારતીય ખેલાડીઓ વિવિધ રમતોમાં ભાગ લેવા જઈ રહ્યા છે. ભારતીય ખેલાડીઓ શૂટિંગ, બોક્સિંગ, હોકી, ગોલ્ફ, બેડમિન્ટન વગેરેમાં એક્શનમાં જોવા મળશે. 4 ઓગસ્ટે ભારતીય પુરુષ હોકી ટીમ ક્વાર્ટર ફાઇનલમાં બ્રિટન સામે ટકરાવાની છે. આ મેચ જીતીને ભારતીય ટીમ મેડલ મેળવવાની એક ડગલું નજીક આવી જશે. આ સિવાય ભારતના સ્ટાર શટલર લક્ષ્ય સેનનો પણ રવિવારે મેન્સ સિંગલ્સમાં સેમિફાઇનલ મુકાબલો છે. તેનો મુકાબલો ડેનમાર્કના વિક્ટર એક્સેલસન સાથે થશે. તો ચાલો જાણીએ કે 4 ઓગસ્ટ એટલે કે રવિવારે પેરિસ ઓલિમ્પિકમાં ભારતનું શેડ્યૂલ કેવું રહેશે.

25 મીટર રેપિડ ફાયર પિસ્તોલ પુરુષોની લાયકાત પ્રથમ તબક્કો: વિજયવીર સિદ્ધુ અને અનીશ: બપોરે 12:30 વાગ્યાથી

25 મીટર રેપિડ ફાયર પિસ્તોલ પુરુષોની લાયકાત બીજો તબક્કો: વિજયવીર સિદ્ધુ અને અનીશ: સાંજે 4:30 વાગ્યાથી

મહિલા સ્કીટ લાયકાત દિવસ 2: રેઝા ધિલ્લોન અને મહેશ્વરી ચૌહાણ: બપોરે 1:00 કલાકે

પુરુષોની વ્યક્તિગત સ્ટ્રોકપ્લે: ચોથો રાઉન્ડ શુભંકર શર્મા અને ગગનજીત ભુલ્લર: બપોરે 12:30 કલાકે

ભારત વિ ગ્રેટ બ્રિટન મેન્સ હોકી ક્વાર્ટર-ફાઇનલ: બપોરે 1:30 વાગ્યે

મહિલાઓની 3000 મીટર સ્ટીપલચેઝ પ્રથમ રાઉન્ડ: પારુલ ચૌધરી: બપોરે 1:35

મેન્સ લોંગ જમ્પ લાયકાત: જેસન એલ્ડ્રિન: બપોરે 2:30 p.m.

મહિલાઓની 75 કિગ્રા ક્વાર્ટર ફાઇનલ: લોવલિના બોર્ગોહેન વિ ચીનની લી કિયાન: બપોરે 3:02 કલાકે

મેન્સ સિંગલ્સની સેમિફાઇનલ લક્ષ્ય સેન વિ વિક્ટર એક્સેલસન (ડેનમાર્ક) બપોરે 3:30 વાગ્યાથી

પુરુષોની ડીંગી રેસ સાત અને આઠ: વિષ્ણુ સરવણન, બપોરે 3:35 વાગ્યાથી

મહિલાઓની ડીંગી રેસ સાત અને આઠ: નેત્રા કુમાનન, સાંજે 6:05 થી.

આજે પેરિસ ઓલિમ્પિકમાં ભારતીય ખેલાડીઓ શું કરશે ?

પેરિસ ઓલિમ્પિક ગેમ્સનો પાંચમો દિવસ ભારતીય ટુકડી માટે સારો રહ્યો. બુધવારે, ભારતીય શૂટર સ્વપ્નિલ કુસલે પુરુષોની 50 મીટર રાઇફલ થ્રી પોઝિશન ઇવેન્ટની ફાઇનલમાં પહોંચ્યો હતો. આજે ગુરુવારે તે ભારતને ત્રીજો મેડલ અપાવી શકે છે. તે જ સમયે, ભારતીય પુરુષ હોકી ટીમ પૂલ બીમાં બેલ્જિયમનો સામે રમશે. બોક્સિંગમાં, નિખત ઝરીન મહિલાઓની 50 કિગ્રા વર્ગની પ્રી-ક્વાર્ટર ફાઇનલમાં પડકાર આપશે.

પેરિસ ઓલિમ્પિકમાં ગોલ્ફ સ્પર્ધા આજથી શરૂ થશે. ગગનજીત ભુલ્લર અને શુભંકર શર્મા મેન્સ ઈન્ડિવિજ્યુઅલ સ્ટ્રોલ પ્લે રાઉન્ડ-1માં ભારત માટે પડકાર ફેંકશે. જ્યારે તીરંદાજીમાં પુરુષોની વ્યક્તિગત શ્રેણીમાં પ્રવીણ જાધવનો સામનો ચીનના કાઓ વેનચાઓ સામે થશે. ઉપરાંતછઠ્ઠા દિવસથી એથ્લેટિક્સ સ્પર્ધાઓ પણ શરૂ થવા જઈ રહી છે જેમાં ત્રણ ભારતીય પુરુષોની 20 મીટર વોકમાં ઉતરશે, જ્યારે પ્રિયંકા મહિલાઓની 20 મીટર વોકમાં પડકાર રજૂ કરશે.

પેરિસ ઓલિમ્પિકના આજે કઇ કઇ સ્પર્ધામાં ભાગ લેશે ?

- પુરુષોની 20 મીટર વોક: પરમજીત સિંહ બિષ્ટ, આકાશદીપ સિંહ, વિકાસ સિંહ (સવારે 11.00 વાગ્યાથી)

- મહિલા 20 મીટર વોક: પ્રિયંકા (બપોરે 12.50 વાગ્યાથી)

- મેન્સ ઈન્ડિવિજ્યુઅલ સ્ટ્રોક પ્લે રાઉન્ડ-1: ગગનજીત ભુલ્લર અને શુભંકર શર્મા (12.30 વાગ્યા પછી)

- મેન્સ 50 મીટર રાઇફલ 3 પોઝિશન્સ ફાઇનલ: સ્વપ્નિલ કુસલે (1.00 વાગ્યાથી)

- મહિલાઓની 50 મીટર રાઇફલ થ્રી પોઝિશન લાયકાત: સિફત કૌર સમરા અને અંજુમ મુદગીલ (3.30 વાગ્યા પછી)

- ભારત વિ બેલ્જિયમ ગ્રુપ સ્ટેજ મેચ: (1.30 PM IST)

- મહિલાઓની 50 કિગ્રા પ્રી-ક્વાર્ટર ફાઈનલ: નિખત ઝરીન વિ યુ વુ (ચીન) (2.30 વાગ્યા પછી)

- પુરુષોની વ્યક્તિગત (1/32 એલિમિનેશન): પ્રવીણ જાધવ વિ કાઓ વેન્ચાઓ (ચીન) (2.31 વાગ્યા પછી)

- મેન્સ ડીંગી રેસ વન: વિષ્ણુ સરવણન (3.45 વાગ્યાથી)

- પુરુષોની ડીંગી રેસ 2: વિષ્ણુ સરવણન: રેસ 1 પછી

- મહિલા ડીંગી રેસ વન: નેત્રા કુમાનન (સાંજે 7.05 વાગ્યાથી)

- મહિલા ડીંગી રેસ ટુ: નેત્રા કુમાનન: રેસ 1 પછી

- મહિલા સિંગલ્સ રાઉન્ડ ઓફ 16: પીવી સિંધુ (રાત્રે 10 વાગ્યાથી)

પેરિસ ઓલિમ્પિકમાં ભારતીય ખેલાડીઓ આજે શું કરશે ? 

બે વખતની ઓલિમ્પિક મેડલ વિજેતા પીવી સિંધુએ લગ્ન પછીની પોતાની પહેલી ઇવેન્ટમાં જીત સાથે શરૂઆત કરી, અને BWF ઇન્ડિયા ઓપનના બીજા રાઉન્ડમાં પ્રવેશ કર્યો હતો. મંગળવારે ભારત માટે મિશ્ર દિવસ રહ્યો કારણ કે પાંચમી ક્રમાંકિત મહિલા ડબલ્સ જોડી ત્રિશા જોલી અને ગાયત્રી ગોપીચંદ સુપર 750 ઇવેન્ટમાંથી બહાર થઈ ગઈ હતી.

તાજેતરમાં ફોર્મ અને રેન્કિંગમાં ઘટાડાને દૂર કરીને ટોચના 10 માં પાછા ફરવાની પીવી સિંધુ આશા રાખી રહી છે.તેણે નવી દિલ્હીના ઇન્દિરા ગાંધી ઇન્ડોર સ્ટેડિયમમાં મહિલા સિંગલ્સ રાઉન્ડ ઓફ 32 માં 51 મિનિટની મેચમાં ચાઇનીઝ તાઈપેઈની સુંગ શુઓ યુનને ૨૧-૧૪, ૨૨-૨૦ થી હરાવી હતી.

કોમનવેલ્થ ગેમ્સની બ્રોન્ઝ મેડલ વિજેતા ત્રિશા અને ગાયત્રીને બિનક્રમાંકિત જાપાની જોડી અરિસા ઇગારાશી અને આયાકો સાકુરામોટો સામે 21-23, 19-21 થી ભારે સંઘર્ષપૂર્ણ મુકાબલામાં હારનો સામનો કરવો પડ્યો હતો.

પીવી સિંધુએ લગ્ન પછી એવું તે શું કર્યું કે ચર્ચામાં આવી ગઈ, જાણો

ભારતીય ટીમને વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે એક કોઠો ભેદવો પડશે. વર્લ્ડ ટેસ્ટ ચેમ્પિયનશિપની ફાઈનલમાં પહોંચવા માટે ભારતે ઓસ્ટ્રેલિયન ટીમને 4-1થી હરાવવી પડશે. ટીમ ઈન્ડિયા ઓસ્ટ્રેલિયામાં આજ સુધી કોઈપણ શ્રેણીમાં 2થી વધુ મેચ જીતી શકી નથી. આ વખતે ઘરઆંગણે 3-0થી હારી ગયેલી ટીમ ઈન્ડિયા પાસેથી ઐતિહાસિક પ્રદર્શનની અપેક્ષા રાખવી સ્વપ્ન સમાન લાગી રહી છે.

જો કે, જ્યારે ટીમ ઈન્ડિયાએ 2018-19માં પ્રથમ વખત ટેસ્ટ સિરીઝ જીતી હતી, ત્યાર બાદ ભારતે ખાસ કાઠું કાઢ્યું નથી. ભારતીય ટીમે 1947-48માં પ્રથમ વખત ઓસ્ટ્રેલિયાનો પ્રવાસ કર્યો હતો. ટીમ ઈન્ડિયાએ 5 મેચની શ્રેણીમાં 4-0થી હારનો સામનો કરવો પડ્યો હતો. ઓસ્ટ્રેલિયા સામે ભારતની પ્રથમ જીત 1959-60 શ્રેણીમાં મળી હતી, જો કે એ સીરીઝ ભારતની ધરતી પણ રમાઈ હતી.

ભારતે 1980-81ની ટેસ્ટ શ્રેણી 1-1થી ડ્રો કરી હતી. આ પહેલો પ્રસંગ હતો જ્યારે ટીમ ઈન્ડિયા ઓસ્ટ્રેલિયામાં ટેસ્ટ સિરીઝ ન હારી હોય. 2018-19માં ભારતીય ટીમે વિરાટ કોહલીની કપ્તાનીમાં ઓસ્ટ્રેલિયા સામે તેની પ્રથમ શ્રેણી જીતી હતી. ભારતે 4 મેચની શ્રેણી 2-1થી જીતી લીધી છે. જ્યારે ભારતે 2020-21માં ફરીથી ઓસ્ટ્રેલિયાનો પ્રવાસ કર્યો હતો, ત્યારે તેણે સમાન અંતરથી શ્રેણી જીતી હતી. આ શ્રેણી જીત પહેલા કરતા વધુ ખાસ હતી કારણ કે આ પ્રવાસની પ્રથમ મેચમાં ટીમ ઈન્ડિયા માત્ર 36 રનમાં ઓલઆઉટ થઈ ગઈ હતી. જે બાદ વિરાટ એન્ડ કંપનીએ શાનદાર વાપસી કરીને શ્રેણી 2-1થી કબજે કરી હતી.

આ વખતે વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે ટીમ ઇન્ડિયાને બોર્ડર ગાવસ્કર ટ્રોફીમાં 4 મેચ જીતવી જરૂરી છે. સવાલ એ છે કે જે ટીમ આજ સુધી પ્રવાસમાં 3 મેચ પણ જીતી શકી નથી, તેની પાસે 4 મેચ જીતવાની અપેક્ષા રાખવી શું બેઈમાની નથી? જો કે ભારતે ઘણી વખત ઓસ્ટ્રેલિયાને ઘરઆંગણે 4-0થી હરાવ્યું છે, પરંતુ ઓસ્ટ્રેલિયામાં આટલી મોટી જીત માત્ર એક સ્વપ્ન જ લાગે છે.

તો જ ભારત વર્લ્ડ ટેસ્ટ ચેમ્પિયન બની શકશે !  

ભારતના પેરા જુડો ખેલાડી કપિલ પરમારે શાનદાર પ્રદર્શન કરીને બ્રોન્ઝ મેડલ જીત્યો હતો. કપિલે પુરુષોની 60 કિગ્રા જે1 ઈવેન્ટની બ્રોન્ઝ મેડલ મેચમાં બ્રાઝિલના એલિટોન ડી ઓલિવિરાને 10-0થી હરાવ્યો હતો અને બ્રોન્ઝ મેળવવામાં સફળ રહ્યો હતો.

કપિલે ઈતિહાસ પણ રચ્યો કારણ કે તે પેરાલિમ્પિક્સ કે ઓલિમ્પિકમાં મેડલ જીતનાર ભારતનો પહેલો જુડોકા છે. આ રીતે ભારતે પેરિસ પેરાલિમ્પિકમાં તેની મેડલ સંખ્યા 25 પર પહોંચી ગઈ છે. ભારતે પેરિસ ગેમ્સમાં અત્યાર સુધીમાં પાંચ ગોલ્ડ, નવ સિલ્વર અને 11 બ્રોન્ઝ મેડલ જીત્યા છે.

પરમારે 2022 એશિયન ગેમ્સમાં આ જ કેટેગરીમાં સિલ્વર મેડલ જીત્યો હતો. તેણે ક્વાર્ટર ફાઇનલમાં વેનેઝુએલાના માર્કો ડેનિસ બ્લેન્કોને 10-0થી હરાવ્યો, પરંતુ સેમિફાઇનલમાં ઇરાનના એસ બનિતાબા ખોરમ અબાદી સામે હારી ગયો હતો. પરમારને બંને મેચમાં એક-એક યલો કાર્ડ મળ્યું હતું. આજે કપિલ ભલે ગોલ્ડ ન લાવી શક્યો પરંતુ તે બ્રોન્ઝ મેડલ જીતવામાં સફળ રહ્યો હતો. તે જ સમયે, મહિલાઓની 48 કિગ્રા J2 વર્ગની ક્વાર્ટર ફાઇનલમાં, ભારતની કોકિલાને કઝાકિસ્તાનની અકમરલ નૌતબેક સામે 0-10થી હારનો સામનો કરવો પડ્યો હતો.

ભારતની પેરાલિમ્પિકમાં પહેલી વખત સૌથી વધુ મેડલ જીતી લીધા છે. હજુ બે દિવસ બાકી છે, ત્યારે કેટલા મેડલો જીતી લેશે, એ સમય જ કહેશે.

પેરાલિમ્પિકમાં ભારતે 25 મેડલ જીતી લઈ વિક્રમ સર્જ્યો

ભારતના સ્ટાર જેવલિન થ્રોઅર નીરજ ચોપરાએ પેરિસ ઓલિમ્પિકમાં 89.45 મીટરના શ્રેષ્ઠ થ્રો સાથે સિલ્વર મેડલ જીત્યો હતો. પાકિસ્તાનના અરશદ નદીમે 92.97 મીટરના રેકોર્ડ થ્રો સાથે ગોલ્ડ મેડલ જીતવામાં સફળતા મેળવી હતી. ભારતના સ્ટાર જેવલિન થ્રોઅર નીરજ ચોપરાએ પેરિસ ઓલિમ્પિકમાં 89.45 મીટરના શ્રેષ્ઠ થ્રો સાથે સિલ્વર મેડલ જીત્યો હતો. આ સિઝનમાં નીરજનું સર્વશ્રેષ્ઠ પ્રદર્શન છે. આ રજત ચંદ્રક સાથે નીરજ આઝાદી બાદ એથ્લેટિક્સમાં બે ઓલિમ્પિક મેડલ જીતનાર પ્રથમ ભારતીય એથ્લેટ બની ગયો છે.

ટોક્યો ઓલિમ્પિક્સનો સુવર્ણ ચંદ્રક વિજેતા ભારતીય એથ્લેટ નીરજ ચોપરા પેરિસમાં તેના પ્રદર્શનનું પુનરાવર્તન કરી શક્યો નહીં અને તેને સિલ્વર મેડલથી સંતોષ માનવો પડ્યો. પાકિસ્તાનના નદીમે બીજા પ્રયાસમાં 92.97 મીટરનો રેકોર્ડ ફેંકીને ગોલ્ડ મેડલ જીત્યો હતો. તે જ સમયે, નીરજ ચોપરાએ બીજા પ્રયાસમાં 89.45 મીટરના શ્રેષ્ઠ થ્રો સાથે સિલ્વર જીત્યો અને ગ્રેનાડાના એન્ડરસન પીટર્સ 88.54 મીટરના શ્રેષ્ઠ થ્રો સાથે ત્રીજા સ્થાને રહ્યા. નીરજ અને નદીમે ફાઉલથી શરૂઆત કરી હતી, પરંતુ પાકિસ્તાનના નદીમે બીજા પ્રયાસમાં ઓલિમ્પિક રેકોર્ડ તોડીને પોતાનો દાવો મજબૂત કર્યો હતો. નીરજે બીજા પ્રયાસમાં પણ પોતાની સિઝનનું સર્વશ્રેષ્ઠ પ્રદર્શન આપ્યું હતું, પરંતુ તે નદીમથી આગળ નીકળી શક્યો નહોતો.

નીરજ ચોપરા ભલે ગોલ્ડ મેડલનો સફળતાપૂર્વક બચાવ કરી શક્યા ન હોય, પરંતુ તે ઓલિમ્પિકમાં બે મેડલ જીતનાર ચોથો ભારતીય ખેલાડી બની ગયો છે. નીરજ પહેલા માત્ર કુસ્તીબાજ સુશીલ કુમાર, બેડમિન્ટન સ્ટાર પીવી સિંધુ અને શૂટર મનુ ભાકર આ સિદ્ધિ મેળવી શક્યા હતા. સુશીલ કુમારે 2008માં બ્રોન્ઝ મેડલ અને 2012 લંડન ઓલિમ્પિકમાં 66 કિગ્રા વજન વર્ગમાં સિલ્વર મેડલ જીત્યો હતો, જ્યારે સિંધુએ 2016 રિયો ઓલિમ્પિકમાં સિલ્વર મેડલ અને ટોક્યો 2020માં મહિલા સિંગલ ઈવેન્ટમાં બ્રોન્ઝ મેડલ જીત્યો હતો. મહિલા શૂટર મનુ ભાકરે પેરિસ ઓલિમ્પિકમાં જ વ્યક્તિગત અને મિશ્ર સ્પર્ધાઓમાં બ્રોન્ઝ મેડલ જીત્યો હતો.

નીરજ ચોપરાએ ભાલાફેંકમાં સિલ્વર મેડલ જીતી વિક્રમ રચ્યો

ભારતીય હોકી ટીમે પેરિસ ઓલિમ્પિકમાં બ્રોન્ઝ મેડલ જીત્યો છે. કેપ્ટન હરમનપ્રીત સિંહની ટીમે સ્પેનને 2-1થી હરાવીને બ્રોન્ઝ મેડલ જીતી લીધો છે.. ટોક્યોમાં યોજાયેલી છેલ્લી ઓલિમ્પિક ગેમ્સમાં પણ ભારતે બ્રોન્ઝ મેડલ જીત્યો હતો..

ભારત માટે હરમનપ્રીતે 30મી અને 34મી મિનિટે ગોલ કર્યા હતા. આ રીતે 52 વર્ષ બાદ સતત બે ઓલિમ્પિકમાં બેક ટુ બેક મેડલ આવ્યા છે. આ પહેલા ભારતે 1968 મેક્સિકો ઓલિમ્પિક અને 1972 મ્યુનિક ઓલિમ્પિકમાં બ્રોન્ઝ મેડલ જીત્યા હતા. આ રીતે વર્તમાન ઓલિમ્પિકમાં ભારતના મેડલની સંખ્યા ચાર થઈ ગઈ છે. આ પહેલા જર્મનીએ સેમીફાઈનલમાં ભારતને હરાવીને 60 વર્ષ બાદ ગોલ્ડ મેડલ જીતવાનું સપનું તોડ્યું હતું.

ભારત અને સ્પેન વચ્ચેની બ્રોન્ઝ મેડલ મેચનો પ્રથમ ક્વાર્ટર ગોલ રહિત રહ્યો હતો. આ ક્વાર્ટર ફાઈનલમાં બંને ટીમોએ ગોલ કરવા માટે આક્રમક અભિગમ અપનાવ્યો હતો, પરંતુ કોઈને સફળતા મળી ન હતી. ભારતે બીજા ક્વાર્ટરની ત્રીજી મિનિટે જ ગોલ કરીને લીડ મેળવી લીધી હતી. ભારતીય ટીમનું ડિફેન્સ સ્પેનિશ સ્ટ્રાઈકરને રોકવામાં નિષ્ફળ રહ્યું હતું. આ રીતે ભારતીય ટીમ મેચમાં 1-0થી પાછળ રહી ગઈ છે. બીજા ક્વાર્ટરની 13મી મિનિટે સ્પેનનો મિલ્ને પેનલ્ટી કોર્નર ચૂકી ગયો હતો. આ સમય દરમિયાન ભારત પાસે ગોલ કરીને સ્કોર 1-1થી બરાબર કરવાનો મોકો હતો, પરંતુ સ્પેનિશ ગોલકીપરે ડહાપણ બતાવીને ભારતીય હુમલાને નિષ્ફળ બનાવ્યો હતો.

ભારતના સુકાની હરમનપ્રીતે બીજા ક્વાર્ટરની છેલ્લી મિનિટની બાકી રહેલી થોડી સેકન્ડોમાં પેનલ્ટી કોર્નરને ગોલમાં ફેરવીને સ્કોર 1-1થી બરાબર કરી દીધો હતો. આ રીતે પ્રથમ ક્વાર્ટરમાં પાછળ રહી ગયેલી ભારતીય ટીમે જોરદાર વાપસી કરી છે.

સ્પેન સામેની બ્રોન્ઝ મેડલ મેચમાં ભારતીય કેપ્ટન હરમનપ્રીતે શાનદાર પેનલ્ટી સ્ટ્રોક લીધો અને ત્રીજા ક્વાર્ટરની ત્રીજી મિનિટમાં ગોલ કરીને ભારતને લીડ અપાવી. હરમનપ્રીતે જ બીજા ક્વાર્ટરમાં ગોલ કર્યો હતો. આ રીતે ભારતીય ટીમે હવે સ્પેનને પછાડી દીધું હતું.

ભારતે સ્પેનને હરાવી બ્રોન્ઝ મેડલ જીતી લીધો

ભારતની સ્ટાર રેસલર વિનેશ ફોગાટે ક્યુબાની યુસ્નેલિસને 5-0થી હરાવીને મહિલા કુશ્તી 50 કિગ્રા વજન વર્ગમાં ફાઇનલમાં જગ્યા બનાવી લીધી છે. આજે વિનેશ ફાઇનલમાં અમેરિકાની રેસલર સારાહ એન હિલ્ડેબ્રાન્ડ સામે રિંગમાં ઉતરશે. વિનેશ ફોગાટ ગોલ્ડ જીતી લાવે એવી ગુજરાત 365 ની શુભેચ્છા.

ફાઇનલમાં પહોંચીને વિનેશ ફોગટ કમસે કમ સિલ્વર મેડલ તો જીતી જ લાવશે. વિનેશ ફોગટે બ્રિજભૂષણ સામેની સ્ત્રી સન્માનની લડાઇ લડનારી વિનેશ ઈતિહાસ રચીને ગોલ્ડ જીતે એવી શુભેચ્છા દરેક દેશવાસીના હૈયે છે. ઓલિમ્પિકના 128 વર્ષના ઈતિહાસમાં વિનેશ ઓલિમ્પિક ફાઈનલમાં રમનારી પ્રથમ ભારતીય મહિલા કુસ્તીબાજ હશે. ક્યુબન કુસ્તીબાજ વિનેશની સામે સંઘર્ષ કરતી જોવા મળી હતી. સ્વાભાવિક રીતે જ તે શરૂઆતથી જ પરાજય સ્વીકારી રહી હોવાનું લાગતું હતું. યુસ્નેલિસ છેલ્લા 14 વર્ષમાં પહેલી વખત હારી છે. ઓલિમ્પિક વિજેતા પણ રહી છે, પરંતુ આજે વિનેશે તેની તાકાત દેખાડી દીધી હતી.

વિનેશે 3 મિનિટના પ્રથમ રાઉન્ડમાં 1-0ની લીડ મેળવી હતી. બીજા રાઉન્ડમાં, વિનેશે સારું ટેકડાઉન પ્રદર્શન કરીને વધુ 4 પોઈન્ટ મેળવ્યા. સમગ્ર મેચ દરમિયાન ભારતીય કુસ્તીબાજની સંરક્ષણાત્મક કુશળતા જોવા જેવી હતી. વિનેશે માત્ર શાનદાર રક્ષણાત્મક રમત જ દેખાડી એટલું જ નહીં પરંતુ વળતો હુમલો કરીને મેચ પર પ્રભુત્વ જમાવ્યું અને અંતે 5-0થી જીત મેળવી. વિનેશ હવે ફાઈનલ મેચમાં અમેરિકાની ટોકિયો ઓલિમ્પિકમાં કાંસ્ય ચંદ્રક વિજેતા સારાહ એન સામે ટકરાશે.

વિનેશ ફોગાટ ચોક્કસપણે ગોલ્ડ મેળવવાનું લક્ષ્ય રાખશે કારણ કે તેણે પ્રથમ રાઉન્ડની મેચમાં જ તેને હરાવીને ડિફેન્ડિંગ ઓલિમ્પિક ચેમ્પિયનને સ્તબ્ધ કરી દીધી હતી. વિનેશે તેની પ્રથમ રાઉન્ડની મેચમાં 4 વખતની વિશ્વ ચેમ્પિયન અને 2020 ટોકિયો ઓલિમ્પિકની સુવર્ણ ચંદ્રક વિજેતા યુઇ સુસાકીને 3-2 થી હરાવી હતી. ક્વાર્ટર ફાઈનલ મેચમાં તેણે યુક્રેનની ઓક્સાના લિવાચને 7-5થી હરાવી સેમિફાઈનલમાં પ્રવેશ કર્યો હતો.

વિનેશ ફોગાટ હવે 2016 રિયો ઓલિમ્પિકની નિરાશાને પાછળ છોડીને એક ઐતિહાસિક સિદ્ધિ હાંસલ કરવાની ખૂબ નજીક પહોંચી ગઈ છે. વિનેશે રિયો ઓલિમ્પિકની ક્વાર્ટર ફાઇનલમાં જગ્યા બનાવી હતી, પરંતુ ઘૂંટણની ઈજાને કારણે તે સ્પર્ધામાં આગળ વધી શકી નહોતી. તે સમયે વિનેશ પણ પેરિસ ઓલિમ્પિક 2024માં નિશા દહિયા સાથે જે રીતે મેટ પર બેસીને રડતી જોવા મળી હતી. વિનેશ હવે 7મી ઓગસ્ટે ફાઈનલ મેચ રમશે.

સલામ વિનેશ, ઓલિમ્પિક વિજેતાને પછાડી ફાઇનલમાં પહોંચી

ભારત માટે, સ્ટાર બેડમિન્ટન ખેલાડી લક્ષ્ય સેન પેરિસ ઓલિમ્પિકના 10મા દિવસે સોમવારે બ્રોન્ઝ મેડલ જીતી શકે છે. લક્ષ્યને રવિવારે મેન્સ સિંગલ્સની સેમિફાઇનલમાં ડેનમાર્કના વિક્ટર એક્સેલસન સામે હારનો સામનો કરવો પડ્યો હતો, પરંતુ તે હજુ પણ દેશ માટે બ્રોન્ઝ મેડલ જીતી શકે છે. સોમવારે મહિલાઓની 400 મીટરમાં કિરણ પહલ અને પુરુષોની 3000 મીટર સ્ટીપલચેસમાં અવિનાશ સાબલે પાસેથી વધુ સારા પ્રદર્શનની અપેક્ષા છે.

લક્ષ્ય સેને મેન્સ સિંગલ કેટેગરીની સેમિફાઇનલમાં પહોંચીને ઈતિહાસ રચ્યો હતો અને હવે તેની પાસે ઓલિમ્પિક મેડલ જીતનાર ભારતનો પ્રથમ પુરુષ બેડમિન્ટન ખેલાડી બનવાની સુવર્ણ તક છે. લક્ષ્યનો સોમવારે સાતમા ક્રમાંકિત મલેશિયાના લી જી જિયાનો સામનો થશે. જો તે મલેશિયાના આ ખેલાડીના પડકારને પાર કરવામાં સફળ રહેશે તો તે દેશને પેરિસ ગેમ્સનો ચોથો મેડલ અપાવશે.

પેરિસ ઓલિમ્પિકના 10મા દિવસે ભારતનું શેડ્યૂલ નીચે મુજબ છે...

- સ્કીટ મિશ્રિત ટીમ (લાયકાત): મહેશ્વરી ચૌહાણ અને અનંતજીત સિંહ નારુકા (બપોરે 12.30 વાગ્યાથી)

- મહિલા ટીમ પ્રી-ક્વાર્ટર ફાઈનલ: ભારત વિ રોમાનિયા (1.30 વાગ્યા પછી)

- મહિલા 400 મીટર (પ્રથમ રાઉન્ડ): કિરણ પહલ (હીટ ફાઇવ) (3.25 વાગ્યા પછી)

- પુરુષોની 3000 મીટર સ્ટીપલચેઝ (રાઉન્ડ 1): અવિનાશ સાબલે (હીટ 2) (રાત્રે 10.35 વાગ્યા પછી)

- મહિલા ડીંગી રેસ 9: નેત્રા કુમાનન (બપોરે 3.45 વાગ્યાથી)

- પુરુષોની ડીંગી રેસ 9: વિષ્ણુ સરવણન (સાંજે 6.10 વાગ્યાથી)

- મેન્સ સિંગલ બ્રોન્ઝ મેડલ મેચ: લક્ષ્ય સેન વિ લી જી જિયા (મલેશિયા) (સાંજે 6.00 વાગ્યાથી)

- મહિલા ફ્રીસ્ટાઇલ 68 કિગ્રા - રાઉન્ડ ઓફ 16 - નિશા (સાંજે 6:30)

- મહિલા ફ્રી સ્ટાઇલ 68 કિગ્રા - ક્વાર્ટર ફાઇનલ - નિશા (સાંજે 7:50) (જો ક્વોલિફાઇંગ થાય તો)

-મહિલા ફ્રીસ્ટાઇલ 68 કિગ્રા-સેમિફાઇનલ-નિશા (1:10 કલાકે) (ક્વોલિફાય થાય તો)

આજે ઓલિમ્પિકમાં ભારતને ચંદ્રક મળી શકે

ભારતીય ટીમે પેનલ્ટી શૂટઆઉટમાં બ્રિટનને હરાવીને ઈતિહાસ રચ્યો હતો અને સતત બીજી વખત ઓલિમ્પિકની સેમીફાઈનલમાં સ્થાન મેળવ્યું હતું. નિર્ધારિત સમય સુધી બંને ટીમો વચ્ચેનો સ્કોર 1-1ની બરાબરી પર રહ્યો હતો, ત્યારબાદ પેનલ્ટી શૂટઆઉટમાં ભારતે બ્રિટનને 4-2 થી હરાવ્યું હતું.

ચાર ક્વાર્ટરના અંતે બંને ટીમનો સ્કોર 1-1થી બરાબર હતો. બંને ટીમોએ નિર્ધારિત સમય સુધી લીડ લેવાનો પ્રયાસ કર્યો હતો, પરંતુ સફળ થઈ ન હતી. એ પછી પેનલ્ટી શૂટઆઉટમાં ભારતે બ્રિટનને 4-2થી હરાવ્યું હતું. ભારત આ મેચમાં 10 ખેલાડીઓ સાથે રમી રહ્યું હતું કારણ કે બીજા ક્વાર્ટરમાં અમિત રોહિદાસને રેડ કાર્ડ આપવામાં આવ્યું હતું જેના કારણે તે આખી મેચમાંથી બહાર થઈ ગયો હતો. જોકે, ભારતીય ટીમે હાર ન માની અને અંત સુધી બ્રિટનને જોરદાર ટક્કર આપી હતી. ભારતની સેમિફાઇનલ મેચ 6 ઓગસ્ટ, મંગળવારે રમાશે.

હાફ ટાઈમ બાદ બંને ટીમો 1-1ની બરાબરી પર હતી. બીજા ક્વાર્ટરમાં ભારતના અમિત રોહિદાસને રેડ કાર્ડ મળ્યું જેના કારણે તેને મેદાન છોડવું પડ્યું. ભારતે હરમનપ્રીત સિંહના શાનદાર ગોલના આધારે લીડ મેળવી, પરંતુ લી મોર્ટને ટૂંક સમયમાં બ્રિટન માટે ગોલ કરીને સ્કોર 1-1 પર બરાબરી પર લાવી દીધો હતો. હરમનપ્રીત સિંહે પેનલ્ટી કોર્નરમાં ગોલ કરીને 22મી મિનિટે 10 ખેલાડીઓ સાથે રમતી ભારતીય ટીમને 1-0ની લીડ અપાવી. પેરિસ ઓલિમ્પિકમાં હરમનપ્રીતનો આ સાતમો ગોલ હતો. મેચ રેફરીએ રોહિદાસને ઇરાદાપૂર્વક બ્રિટિશ ખેલાડીના માથામાં હોકી સ્ટિક વડે મારવા બદલ દોષી ઠેરવ્યા અને તેને લાલ કાર્ડ આપીને વિદાય આપી. પેરિસ ઓલિમ્પિકમાં આ પહેલીવાર બન્યું છે જ્યારે કોઈ ખેલાડીને રેડ કાર્ડ આપવામાં આવ્યું હોય.

પ્રથમ ક્વાર્ટરમાં બંને ટીમોને પેનલ્ટી કોર્નર મળ્યા, પરંતુ કોઈ તેને ગોલમાં ફેરવી શક્યું નહીં. આ દરમિયાન ભારતના ગોલકીપર પીઆર શ્રીજેશે જોરદાર પ્રદર્શન કર્યું અને બ્રિટનના દરેક હુમલાને રોકવામાં સફળ રહ્યો. ભારતે સતત ત્રણ પેનલ્ટી કોર્નર જીત્યા હતા, પરંતુ તેને ગોલમાં ફેરવી શક્યા ન હતા. ભારતે ગ્રુપ સ્ટેજમાં શાનદાર પ્રદર્શન કર્યું હતું અને હવે ટીમે નોકઆઉટ સ્ટેજમાં પણ તે ગતિ જાળવી રાખવી પડશે.

Sports