પેરિસ ઓલિમ્પિકમાં ભારતીય ખેલાડીઓ આજે શું કરશે ?

પેરિસ ઓલિમ્પિક ગેમ્સનો પાંચમો દિવસ ભારતીય ટુકડી માટે સારો રહ્યો. બુધવારે, ભારતીય શૂટર સ્વપ્નિલ કુસલે પુરુષોની 50 મીટર રાઇફલ થ્રી પોઝિશન ઇવેન્ટની ફાઇનલમાં પહોંચ્યો હતો. આજે ગુરુવારે તે ભારતને ત્રીજો મેડલ અપાવી શકે છે. તે જ સમયે, ભારતીય પુરુષ હોકી ટીમ પૂલ બીમાં બેલ્જિયમનો સામે રમશે. બોક્સિંગમાં, નિખત ઝરીન મહિલાઓની 50 કિગ્રા વર્ગની પ્રી-ક્વાર્ટર ફાઇનલમાં પડકાર આપશે.

પેરિસ ઓલિમ્પિકમાં ગોલ્ફ સ્પર્ધા આજથી શરૂ થશે. ગગનજીત ભુલ્લર અને શુભંકર શર્મા મેન્સ ઈન્ડિવિજ્યુઅલ સ્ટ્રોલ પ્લે રાઉન્ડ-1માં ભારત માટે પડકાર ફેંકશે. જ્યારે તીરંદાજીમાં પુરુષોની વ્યક્તિગત શ્રેણીમાં પ્રવીણ જાધવનો સામનો ચીનના કાઓ વેનચાઓ સામે થશે. ઉપરાંતછઠ્ઠા દિવસથી એથ્લેટિક્સ સ્પર્ધાઓ પણ શરૂ થવા જઈ રહી છે જેમાં ત્રણ ભારતીય પુરુષોની 20 મીટર વોકમાં ઉતરશે, જ્યારે પ્રિયંકા મહિલાઓની 20 મીટર વોકમાં પડકાર રજૂ કરશે.

પેરિસ ઓલિમ્પિકના આજે કઇ કઇ સ્પર્ધામાં ભાગ લેશે ?

એથ્લેટિક્સ

- પુરુષોની 20 મીટર વોક: પરમજીત સિંહ બિષ્ટ, આકાશદીપ સિંહ, વિકાસ સિંહ (સવારે 11.00 વાગ્યાથી)

- મહિલા 20 મીટર વોક: પ્રિયંકા (બપોરે 12.50 વાગ્યાથી)

ગોલ્ફ

- મેન્સ ઈન્ડિવિજ્યુઅલ સ્ટ્રોક પ્લે રાઉન્ડ-1: ગગનજીત ભુલ્લર અને શુભંકર શર્મા (12.30 વાગ્યા પછી)

શૂટિંગ

- મેન્સ 50 મીટર રાઇફલ 3 પોઝિશન્સ ફાઇનલ: સ્વપ્નિલ કુસલે (1.00 વાગ્યાથી)

- મહિલાઓની 50 મીટર રાઇફલ થ્રી પોઝિશન લાયકાત: સિફત કૌર સમરા અને અંજુમ મુદગીલ (3.30 વાગ્યા પછી)

હોકી

- ભારત વિ બેલ્જિયમ ગ્રુપ સ્ટેજ મેચ: (1.30 PM IST)

બોક્સિંગ

- મહિલાઓની 50 કિગ્રા પ્રી-ક્વાર્ટર ફાઈનલ: નિખત ઝરીન વિ યુ વુ (ચીન) (2.30 વાગ્યા પછી)

તીરંદાજી

- પુરુષોની વ્યક્તિગત (1/32 એલિમિનેશન): પ્રવીણ જાધવ વિ કાઓ વેન્ચાઓ (ચીન) (2.31 વાગ્યા પછી)

સઢવાળીનૌકાવહન

- મેન્સ ડીંગી રેસ વન: વિષ્ણુ સરવણન (3.45 વાગ્યાથી)

- પુરુષોની ડીંગી રેસ 2: વિષ્ણુ સરવણન: રેસ 1 પછી

- મહિલા ડીંગી રેસ વન: નેત્રા કુમાનન (સાંજે 7.05 વાગ્યાથી)

- મહિલા ડીંગી રેસ ટુ: નેત્રા કુમાનન: રેસ 1 પછી

બેડમિન્ટન

- મહિલા સિંગલ્સ રાઉન્ડ ઓફ 16: પીવી સિંધુ (રાત્રે 10 વાગ્યાથી)