અમેરિકાના મેસેચ્યુસેટ્સમાં 14 વર્ષના બાળકનું હાર્ટ એટેકથી મોત થયું છે. બાળકે સ્પાઈસી ટોર્ટિલા ચિપ ચેલેન્જમાં ભાગ લીધો હતો. મેસેચ્યુસેટ્સમાં ચીફ મેડિકલ એક્ઝામિનરની ઓફિસે અહેવાલ આપ્યો હતો કે બાળકે મરચામાં મળી આવતા રાસાયણિક સંયોજનની ઉચ્ચ સાંદ્રતા ધરાવતી ટોર્ટિલા ચિપ ખાધી હતી. જેના કારણે તેમનું હાર્ટ એટેકના કારણે મૃત્યુ થયું હતું.

જો કે મૃત્યુ પામેલો હેરિસ વોલોબા જન્મજાત હૃદય રોગથી પીડિત હતો. તેણે પાકીની વન ચિપ ચેલેન્જ દરમિયાન કેરોલિના રીપર મરી અને નાગા વાઇપર મરી બંનેથી બનેલી ટોર્ટિલા ચિપનું સેવન કર્યું હતું.

મીડિયા હેવાલ મુજબ સપ્ટેમ્બરમાં વોલોબાના મૃત્યુ પછી પાકીએ સ્વેચ્છાએ ઉત્પાદનને કોફિન આકારના બોક્સમાં પેક કરીને માર્કેટમાંથી દૂર કર્યું હતું. મુખ્ય તબીબી પરીક્ષકના કાર્યાલયે ગુરુવારે પુષ્ટિ કરી કે વોલોબાનું મૃત્યુ કેપ્સાસીનની ઉચ્ચ સાંદ્રતાવાળી ખાદ્ય વસ્તુ ખાવાથી કાર્ડિયોપલ્મોનરી અરેસ્ટને કારણે થયું હતું. Capsaicin મરીમાં જોવા મળતું મસાલેદાર, કુદરતી રીતે બનતું રસાયણ છે. કેરોલિના રીપર મરી સ્કોવિલ સ્કેલ પર મરીના સ્પ્રેની નીચે આવે છે, જે મરી અને મરચાંની મસાલેદારતાને માપે છે.

નાગા વાઇપર થોડું ઓછું મસાલેદાર છે, જે સ્કેલ પર લગભગ 1.2 મિલિયન હીટ યુનિટમાં આવે છે. તે જલાપેનો મરી કરતાં વધુ ગરમ છે, જે લગભગ 5,000 હીટ યુનિટમાં આવે છે. "પાકીની વન ચિપ ચેલેન્જ ફક્ત પુખ્ત વયના લોકો માટે હતી, જેમાં સ્પષ્ટપણે જણાવવામાં આવ્યું હતું કે ઉત્પાદન બાળકો અથવા કોઈપણ જે મસાલેદાર ખોરાક પ્રત્યે સંવેદનશીલ હોય અથવા તેમની અંતર્ગત આરોગ્યની સ્થિતિઓ હોય તેને માટે આ સ્પર્ધા નથી.

મસાલેદાર ચિપ્સ ખાતા હો તો વિચારજો, અમેરિકામાં બાળકનું મોત

આજનો જમાનો તો અમે બે અમારૂં એક સંતાનનો છે.. સંયુક્ત પરિવાર તો એક ભુતકાળ બની રહ્યો છે, ત્યારે એક પરિવાર એવો છે, જેમાં એક બે નહીં 90 લોકો રહે છે ! એક સાથે ચાર પેઢી રહે છે.

ફરિદાબાદના પલવલી ગામમાં આ પરિવારના વડા છે 93 વર્ષના છજ્જુરામ ! 90 લોકોને રહેવા માટે ઘર પણ મોટું જ જોઇએ અને આ પરિવારનું ઘર એક એકરમાં ફેલાયેલું છે ! પરિવારના લોકો માટે ભોજન બનાવવા માટે 10 ચુલા ઉપયોગમાં લેવાય છે. ઘરના દરેક સભ્યનું કામ વહેંચી દેવાયું છે. કોઇ મુદ્દે ઘરના સભ્યોમાં એકમતિ નહીં હોય તો મતદાન દ્વારા નિર્ણય લેવાય છે.

છજ્જુરામના 6 ભાઇ છે, જો કે તેમાંથી બેના નિધન થઇ ચુક્યા છે. એ છ પરિવારના લોકો એક સાથે રહે છે. પરિવારમાં 39 મહિલાઓ છે અને ચોથી પેઢીમાં છજ્જુરામના પ્રપૌત્રોની સંખ્યા જ 17 છે. મોટો પરિવાર હોવાને કારણે એમનહીં માનતા કે શિક્ષણની જ્યોત તો પ્રજવળતી જ નહીં હોય. વાસ્તવમાં પરિવારમાં કેટલાક વેપાર કરે છે, તો કેટલાક વળી સરકારી નોકરી કરે છે અને કેટલાક ખેતી સંભાળે છે. આ પરિવારની એક દીકરી રજની ભારદ્વાજ આઇએએસ પણ થઇ છે, તે ગુડગાંવના ટેક્સેશન વિભાગમાં ફરજ બજાવે છે. જ્યારે પરિવારના દીપક અને પ્રશાંત ભારદ્વાજ સુપ્રીમ કોર્ટમાં વકિલાત કરે છે. છજ્જુરામ આ બહોળા પરિવારમાં બે લક્ષ્ય રાખે છે : પરિવાર એક રહે અને પરિવારના દરેક સંતાન શિક્ષિત થાય. ચૂંટણી હોય તો આ પરિવારના બધા જ સભ્યો સાથે જ મત આપવા જાય છે ! ને વળી નાની ચૂંટણી હોય તો તો આ પરિવાર જેને મત આપે એ જ વિજયી થઇ જાય, એ તો સમજી શકાય એમ છે.

હોય કાંઇ, એક પરિવારમાં 90 લોકો ! 

એમ તો અત્યારે કમૂરતાં ચાલી રહ્યા છે. છતાં લગ્નની સિઝનને આ વર્ષે બ્રેક લાગી નથી. ખાસ તો એનઆરઆઇના લગ્ન તો થાય જ છે. લગ્ન હોય એટલે વર અને કન્યાના ગળામાં હાર તો હોય જ. સામાન્ય રીતે ફૂલોનો એ હાર હોય, પરંતુ ક્યારેક કંઇક નવું કરવાના મૂડમાં યુવાનો અનોખી માળા પણ પહેરતા હોય છે. હરિયાણામાં અત્યારે એક વરરાજાને વરમાળા પહેરેલી દેખાડતો એક વીડિયો જોઇને તમે ચોંકી જશો.

લગ્નમાં ફૂલને બદલે નોટોનો હાર પણ પહેરવામાં ઘણા ગૌરવ અનુભવતા હોય છે. એવું બની શકે કે એ નોટ નકલી જ હોય છે. પરંતુ અત્યારે એક વરરાજોનો વીડિયો વાઇરલ થયો છે, તે જોઇને અચંબામાં પડી જવાય એવું છે. વાઇરલ વીડિયો વાયરલમાં એક વ્યક્તિ ઈમારત પર ઊભો રહ્યો છે અને તેના ગળામાં પહેરેલો હાર જમીન સુધી પહોંચતો જોવા મળે છે.

ઇન્સ્ટાગ્રામ યુઝર @dilshadkhan_kureshipurએ તાજેતરમાં આ વીડિયો પોસ્ટ કર્યો છે. તેના યુઝરનેમમાં કુરેશીપુર લખેલું છે. કુરેશીપુર હરિયાણાનું ગામ છે, તેથી એ વીડિયો હરિયાણાના કુરેશીપુરનો હોવાનું માનવામાં આવે છે.બીજી કોઇ માહિતી એ વીડિયોમાં મળતી નથી, પરંતુ વાઇરલ થયેલો વીડિયો ચોંકાવનારો છે કારણ કે તેમાં વરરાજા જે હાર પહેરીને ઊભો છે, તે હાર ચલણી નોટોનો બનેલો છે. ચલણી નોટને ફૂલનો આકાર આપીને તેનો હાર બનાવાયો છે. વીડિયો સાથે લખેલી વાત સાચી માનીએ તો એ હાર 20 લાખની કિંમતનો હશે.

વાયરલ વીડિયોમાં તમે જોઈ શકો છો કે એક વ્યક્તિ છત પર ચઢી ગયો છે. તેની આસપાસ કેટલાક લોકો પણ હાજર છે. આ વ્યક્તિના ગળામાં ચલણી નોટોનો હાર છે. એ હાર એટલો લાંબો છે કે તે જમીનને અડી જતો જોવા મળે છે. હારમાં 500 રૂપિયાની નોટમાંથી બનાવેલા ફૂલો જોવા મળે છે.

આ વીડિયોને 1 કરોડથી વધુ વ્યૂઝ મળ્યા છે જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એકે પોસ્ટ પર ટિપ્પણ કરતાં લખ્યું છે કે, આ વિડીયો જોયા બાદ આવકવેરા વિભાગ તેના ઘરે પહોંચી જશે.

આ વરમાળા તો તમે જોઇ જ નહીં હોય ! 

દારૂ સ્વાસ્થ્ય માટે હાનિકારક હોવા છતાં વિશ્વભરમાં એટલી બધી મોંઘી વાઇન, વ્હિસ્કી અને બિયર મળે છે કે મોટા ભાગના લોકોને એ પોસાય પણ નહીં! છતાં પોસાય એવો દારુ પીનારાઓની સંખ્યા બહુ મોટી છે, ત્યારે શું તમે જાપાનમાં મળતી વ્હિસ્કી પીવાનો દમ રાખો છો ખરા ?

જાપાનમાં મળતી 'હબુશુ' નામની વ્હિસ્કી પીવા માટે પણ છપ્પનની છાતી જોઇએ એમ કહી શકાય.આખી દુનિયામાં 'જાપાનીઝ સ્નેક વ્હિસ્કી' તરીકે જાણીતી આ વ્હિસ્કીનો એક વીડિયો સોશિયલ મીડિયા પર ખૂબ જ વાઇરલ થયો છે. આ વ્હિસ્કી બનાવવામાં સાપનો ઉપયોગ થાય છે. યાદ એ પણ રહે કે જાપાનની આ સ્નેક વ્હિસ્કી એ દારુ નથી, પણ તેને હેલ્થ ટોનિક માનવામાં આવે છે.

જાપાનની સ્નેક વ્હિસ્કીનો વાઇરલ થયેલો વીડિયો ઇન્સ્ટાગ્રામ હેન્ડલ @travel પરથી પોસ્ટ કરવામાં આવ્યો હતો. આ વીડિયોના કેપ્શનમાં લખ્યું છે કે, શું તમે આ જાપાનીઝ સ્નેક વ્હિસ્કી ટ્રાય કરવા માંગો છો? આ સમાચાર લખાય છે ત્યાં સુધી આ વીડિયોને લગભગ 2 કરોડ વ્યૂઝ અને 5 લાખ 31 હજાર લાઈક્સ મળ્યા છે.

વાયરલ વીડિયોમાં શરાબની બાટલીમાં સાપ જોવા મળે છે. એ સાપ જાપાનમાં જોવા મળતા હાબુ સાપ છે. આ સાપ પિટ વાઇપર પ્રજાતિનો છે. એ સાપ ઝેરી છે. એ સાપને વ્હિસ્કીમાં બે મહિના સુધી રાખવામાં આવે છે. પિટ વાઇપર ઝેરી સાપ છે, પરંતુ તેનું ઝેર વ્હિસ્કી પીનારા માટે ઘાતક નહીં નીવડી એ માટે ઝેર હળવું કરી દેવાય છે. એ રીતે બનતી વ્હિસ્કી પીવા માટે સલામત છે. એ વ્હિસ્કીનું નામ હબુશુ છે. ઉપરાંત આ વ્હિસ્કી બનાવવાની પ્રક્રિયામાં જડીબુટ્ટીઓ અને મધને એકસાથે ભેળવવામાં આવે છે, જે વ્હિસ્કીને તેનો પીળો રંગ આપે છે. આ રીતે ઝેરી સાપનો ઉપયોગ કરીને બનતી આ વ્હિસ્કી પીવી પણ પીવાના ખેલ નથી.

આ દારુ પીવાનો દમ ખરો ? 

કર્ણાટકના કોડાગુ જિલ્લામાં પ્રસ્તાવિત લગ્ન મુલતવી રાખવાથી ગુસ્સે થઈને એક યુવકે 16 વર્ષની છોકરી પર તીક્ષ્ણ હથિયાર વડે હુમલો કરીને તેની હત્યા કરી નાખી હતી. પોલીસે જણાવ્યું કે યુવતી સગીર હોવાથી બંનેના લગ્ન મોકૂફ રાખવામાં આવ્યા હતા.

પોલીસે જણાવ્યું કે લગ્ન મુલતવી રાખ્યા બાદ 32 વર્ષીય પ્રકાશ છોકરી મીનાના ઘરમાં ઘુસ્યો હતો. પોલીસે જણાવ્યું કે યુવકે છોકરીના પિતા અને માતા પર હુમલો કર્યો અને બાળકીનું માથું કાપી નાખ્યું અને માથું પોતાની સાથે લઈ ગયો હતો. આ ઘટના સુરલાબ્બી ગામમાં બની હતી. પોલીસના જણાવ્યા અનુસાર, છોકરીની સગાઈ ગુરુવારે પ્રકાશ સાથે થઈ હતી, પરંતુ કોઈએ ચાઈલ્ડ હેલ્પલાઈન નંબર પર જાણ કરતાં બાળ કલ્યાણ વિભાગના અધિકારીઓ સગીર છોકરી મીનાના ઘરે પહોંચ્યા અને બંને પરિવારોને સમજાવ્યા હતા. પોલીસના જણાવ્યા અનુસાર, અધિકારીઓએ બંને પરિવારોને સમજાવ્યું હતું કે જો તેઓ લગ્ન કરાવશે, તો પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સીસએક્ટ અને ચાઈલ્ડ મેરેજનો કાયદો લાગુ થશે. પોલીસના જણાવ્યા અનુસાર, બંને પરિવારો સંમત થયા હતા કે મીના 18 વર્ષની થશે પછી જ પ્રકાશ સાથે લગ્ન કરશે. આ પછી અધિકારી અને વરરાજાના પરિવારજનો ત્યાંથી ચાલ્યા ગયા.

જોકે, ગુરુવારે સાંજે 5.30 વાગ્યાની આસપાસ, પ્રકાશ મીનાના ઘરમાં ઘૂસ્યો, તેના પિતાને લાત મારી અને તેની માતા પર તીક્ષ્ણ હથિયાર વડે હુમલો કર્યો, એમ પોલીસ અધિક્ષક (કોડાગુ) રામરાજને જણાવ્યું હતું. તેણે જણાવ્યું કે પ્રકાશ પણ છોકરીને લગભગ 100 મીટર બહાર ખેંચી ગયો અને તેના પર ધારદાર હથિયાર વડે હુમલો કર્યો, તેનું માથું કાપી નાખ્યું અને માથું લઈને ત્યાંથી ભાગી ગયો હતો. તેમણે કહ્યું કે પીડિતાના માતા અને પિતાને હોસ્પિટલમાં દાખલ કરવામાં આવ્યા છે અને આરોપીને પકડવાના પ્રયાસો ચાલુ છે.

લગ્ન મુલતવી રહેતાં યુવાને એવું તે શું કર્યું કે બધા કાંપી ઉઠ્યા

ઈંગ્લેન્ડના જોન આલ્ફ્રેડ ટિનિસવુડ સત્તાવાર રીતે વિશ્વના સૌથી વૃદ્ધ જીવિત વ્યક્તિ બન્યા છે. તેમની ઉંમર 111 વર્ષ અને 224 દિવસ છે. તેમનું નામ ગિનિસ બુકમાં સૌથી લાંબો સમય જીવનાર વ્યક્તિ તરીકે નોંધાયેલું છે. આ પહેલા આ રેકોર્ડ વેનેઝુએલાના 114 વર્ષીય જુઆન વિસેન્ટ પેરેઝના નામે હતો, જેનું થોડા દિવસ પહેલા અવસાન થયું હતું. એવું માનવામાં આવતું હતું કે જુઆનના મૃત્યુ પછી, આ રેકોર્ડ જાપાનના 112 વર્ષીય ગીસાબુરો સોનોબેને જશે. પરંતુ જ્યારે ગિનિસ બુકની ટીમે શોધ કરી તો જાણવા મળ્યું કે તેનું મૃત્યુ 31 માર્ચે થયું હતું.

જ્હોનનો જન્મ 26 ઓગસ્ટ 1912ના રોજ લિવરપૂલમાં થયો હતો. આ એ જ વર્ષ હતું જ્યારે ટાઇટેનિક ડૂબી ગયું હતું. 5 એપ્રિલ 2024ના રોજ જ્હોનની ચોક્કસ ઉંમર 111 વર્ષ 223 દિવસ છે. 111 વર્ષની ઉંમરે જ્હોન પરદાદા છે અને હાલમાં સાઉથપોર્ટમાં કેર હોમમાં રહે છે. કેર હોમ સ્ટાફ કહે છે કે જ્હોનને વાત કરવાનું પસંદ હતું. 'તમે કાં તો લાંબુ જીવો છો અથવા ટૂંકું જીવો છો,' ટિનીસવુડે ગિનિસ સાથેની મુલાકાતમાં કહ્યું. પરંતુ તમે તેના વિશે કંઈ કરી શકતા નથી.

દર શુક્રવારે જ્હોન માછલી અને ચિપ્સ ખાય છે. જ્હોન કહે છે કે તેઓ કોઈ ખાસ ડાયટ ફોલો કરતા નથી. તેમણે કહ્યું, 'મને જે આપવામાં આવે છે તે હું ખાઉં છું. મારો કોઈ ખાસ આહાર નથી. તે ધૂમ્રપાન કરતો નથી અને ભાગ્યે જ પીવે છે. તેમણે લાંબા આયુષ્ય માટે સંયમ રાખવાની વાત કરી હતી. તેમણે કહ્યું, 'જો તમે વધારે પીશો, વધારે ખાશો કે વધારે ચાલશો તો તમને નુકસાન થશે. વ્યક્તિએ કંઈપણ વધુ પડતું ન કરવું જોઈએ. જ્હોને તેના જીવનમાં ગ્રેટ ઈન્ફલ્યુએન્ઝાથી લઈને કોરોના મહામારી સુધીના બંને વિશ્વ યુદ્ધો જોયા છે.

દુનિયાના આ સૌથી વૃદ્ધ વ્યક્તિએ આપી લાંબુ જીવવાની ટીપ્સ

અમેરિકાના મિઝોરીમાંએક માતાએ ભુલથી તેના બાળકને પારણાને બદલે ઓવનમાં સુવડાવી દેતાં તેનું મોત નીપજ્યું હતું. બાળક જીવતું શેકાઇ ગયું હતું. કેન્સાસ સિટીના મારિયા થોમસ પર બાળકને માથે જોખમ ઊભુ કરવાનો આરોપ મૂકવામાં આવ્યો છે.

શુક્રવારે બપોરે પોલીસને માહિતી મળી હતી કે એક શિશુ શ્વાસ લેતું નથી. ઘટનાના સંભવિત કારણ અંગે કોર્ટના નિવેદનમાં કહેવામાં આવ્યું છે કે બાળકના શરીર પર દાઝી ગયેલા નિશાન હતા અને તેને મૃત જાહેર કરવામાં આવ્યો હતો.

નિવેદનમાં કહેવામાં આવ્યું છે કે એક સાક્ષીએ દ્રશ્ય પર પ્રતિક્રિયા આપનારા અધિકારીઓને કહ્યું કે માતાએ ભુલથી બાળકને પારણામાં મૂકવાને બદલે ઓવનમાં મૂકી દીધું હતું. જો કે આવી ગંભીર ભૂલ કઇ રીતે થઇ એ અંગે કશી સ્પષ્ટતા કરવામાં આવી ન હતી.

જેક્સન કાઉન્ટીના પ્રોસીક્યુટીંગ એટર્ની જીન પીટર્સ બેકરે એક નિવેદનમાં જણાવ્યું હતું કે, આ એક અત્યંત દુ:ખદ ઘટના છે અને અમૂલ્ય જીવ ગુમાવવાથી અમારું હૃદય તૂટી ગયું છે. અમને વિશ્વાસ છે કે ફોજદારી ન્યાય પ્રણાલી આ ભયાનક ઘટના અંગે યોગ્ય પગલાં લેશે.

આ માંએ બાળકને ઓવનમાં મુકી દીધું, એ પછી શું થયું ? 

ટેડીબિયરની માંગ દુનિયાભરમાં ખૂબ જ છે. અમેરિકામાં દર વર્ષે 5 કરોડ ટેડીબિયર વેચાય છે. આખી દુનિયાની વાત કરીએ તો ટેડીબિયરનો વેપાર 4.90 લાખ કરોડનો છે. આપણે ત્યાં તો ટેડીબિયર બસો પાંચસોનું લઇ આવીએ છીએ, પણ દુનિયામાં સૌથી મોંઘુ ટેડીબિયર 1.3 કરોડનું છે. આ ટેડીબિયર ફ્રેન્ચ લક્ઝરી બ્રાન્ડ લુઇ વિત્તાંએ બનાવ્યું છે.

મામલો 122 વર્ષ જૂનો છે. તત્કાલીન અમેરિકન પ્રમુખ થિયોડોર રૂઝવેલ્ટ શિકાર કરવા નીકળ્યા હતા. ઈરાદો જંગલી રીંછને મારવાનો હતો. પરંતુ આખો દિવસ જંગલમાં શોધખોળ કરવા છતાં પણ પ્રમુખનો કોઇ પત્તો લાગ્યો ન હતો. આ સ્થિતિમાં તેમના નોકરે હુજુરીમાં ક્યાંકથી રીંછના બચ્ચાને પકડીને ઝાડ સાથે બાંધી દીધું, ત્યારબાદ રાષ્ટ્રપતિને આ રીંછને નિશાન બનાવીને તેનો શિકાર કરવાનો શોખ પૂરો કરવાનું કહેવામાં આવ્યું હતું. રાષ્ટ્રપતિએ બંદૂકથી નિશાન તાક્યું હતું, પરંતુ છેલ્લી ક્ષણે તેમને નાના રીંછ પર દયા આવતાં તેમણે ગોળીબાર કર્યો ન હતો.

ક્લિફોર્ડ બેરીમેન નામના કાર્ટૂનિસ્ટે આ વાર્તા પરથી કાર્ટૂન બનાવ્યું હતું. આ કાર્ટૂનના આધારે, બ્રુકલિનના રમકડા બનાવનાર મોરિસ મિકટોમે તેની પત્ની સાથે મળીને એક રીંછ બનાવ્યું અને તેનું નામ 'ટેડીબેર' રાખ્યું કારણ કે રાષ્ટ્રપતિ થિયોડોર રૂઝવેલ્ટનું ઉપનામ ટેડી હતું. અહીંથી જ ટેડી રીંછ આખી દુનિયામાં ફેમસ થયું અને આ ખતરનાક પ્રાણી દરેક ઘરમાં ઘૂસી ગયું.

દુનિયામાં ટેડીબિયરની 500 થી વધુ જાતિ છે. દુનિયામાં બનતા ટેડીબિયરમાંથી 90 ટકા અમેરિકા અને ચીનમાં વેચાય છે. દુનિયામાં સૌથી ઊંચું ટેડીબિયર 63 ફીટનું છે. 1903 થી ટેડીબિયરનું વ્યાપારીક ઉત્પાદન શરૂ થયું હતું.

ટેડીબિયરની કિંમત જાણશો તો આંખ ફાટી જશે  

એક પાસપોર્ટ એવો દુર્લભ છે કે આખી દુનિયામાં ફક્ત 500 લોકો પાસે જ એ પાસપોર્ટ છે. વળી એ પાસપોર્ટ આપનારા દેશ પાસે જમીન જ નથી ! વિશ્વનો દુર્લભ પાસપોર્ટ માલ્ટાના સોવરિન મિલિટરી ઓર્ડરનો છે. તેને માલ્ટાના નાઈટ્સ તરીકે પણ ઓળખવામાં આવે છે. તે એક સાર્વભૌમ રાષ્ટ્ર છે, જેમાં યુએન નિરીક્ષકનો દરજ્જો છે અને તેનું પોતાનું બંધારણ છે, પરંતુ તેની કોઈ જમીન નથી !

આ દેશમાં કારનું રજીસ્ટ્રેશન કરીને નબંર પણ આપવામાં આવે છે, પરંતુ એ દેશનો પોતાનો કોઇ રસ્તો જ નથી ! માલ્ટાના પોતાના ચલણ, ટપાલ ટિકિટ અને પાસપોર્ટ પણ છે. ઓર્ડર ઓફ માલ્ટાએ 1300 દરમિયાન પ્રથમ પાસપોર્ટ આપ્યા હતા, જ્યારે તેના રાજદ્વારીઓ રાજદૂત તરીકેની તેમની સ્થિતિની પુષ્ટિ કરવા દસ્તાવેજો સાથે અન્ય દેશોમાં પ્રવાસ કરતા હતા. બીજા વિશ્વ યુદ્ધ પછી રાજદ્વારી પાસપોર્ટનો વિકાસ થયો અને હાલમાં 500 જેટલા રાજદ્વારી પાસપોર્ટ ચલણમાં છે, જે તેને વિશ્વનો દુર્લભ પાસપોર્ટ બનાવે છે.

કિરમજી રંગનો પાસપોર્ટ કદાચ ઈસુ ખ્રિસ્તના રક્તનું પ્રતીક છે. આ રંગ ખાસ કરીને કાઉન્સિલના સભ્યો અને રાજદ્વારી મિશનના નેતાઓ તેમજ તેમના પરિવારો માટે વિશેષ છે. રિપોર્ટ અનુસાર, લાલ રંગના આ પાસપોર્ટ પર સંસ્થાનું નામ ફ્રેન્ચમાં સુવર્ણ અક્ષરોમાં લખેલું છે. માલ્ટા સ્થિત ઓર્ડરના પ્રમુખ ડી પેટ્રી ટેસ્ટાફેરાટા કહે છે કે આ ઓર્ડર તેમની સરકારના સભ્યોને તેમના કાર્યકાળના સમયગાળા માટે પાસપોર્ટ આપે છે.

ગ્રાન્ડ માસ્ટર્સનો પાસપોર્ટ એક દાયકા માટે માન્ય છે, જે સૌથી લાંબો સમયગાળો છે. કારણ કે તેઓ બે ટર્મ માટે ચૂંટાયા છે. તેઓએ 85 વર્ષની વય સુધીમાં નિવૃત્ત થવું જરૂરી છે. બીજી બાજુ, અન્ય પાસપોર્ટ ચાર વર્ષ માટે માન્ય છે અને તેનો ઉપયોગ રાજદ્વારી મિશન માટે થાય છે. પાસપોર્ટમાં 44 પેજ હોય ​​છે. ચિત્ર અથવા અવતરણને બદલે, તેમાં ફક્ત માલ્ટાના ક્રોસનું વોટરમાર્ક છે. ડી પેટ્રી ટેસ્ટાફેરેટા અનુસાર, પાસપોર્ટ શેંગેન સભ્યોના બે તૃતીયાંશ લોકો દ્વારા સ્વીકારવામાં આવે છે. ઔપચારિક રાજદ્વારી સંબંધો ન હોવા છતાં, ઓર્ડર ફ્રાન્સ, યુકે અને યુએસ સહિત ઘણા દેશો સાથે નજીકથી સહકાર આપે છે.

દુર્લભ પાસપોર્ટ, દેશ એવો કે તેની પાસે જમીન જ નથી !

સોય- દોરો તો આપણા જીવનમાં વણાયેલી ચીજ છે. કપડું ફાટી ગયું હોય, ત્યારે તેનો ઉપયોગ કરીને સાંધી દેવાય છે. પરંતુ એ જ સોય કલાકૃતિ માટેનું માધ્યમ બની શકે ખરૂં ? એમ પણ સોયમાં દોરો પોરાવી શકાય એટલું જ છિદ્ર હોય અને મોટા ભાગના લોકોને અનુભવ હોય છે કે એ છીદ્રમાં દોરો પરોવવો મુશ્કેલ હોય છે, ત્યાં તેમાં કોઇ કૃતિ રચવી તો કેટલી મુશ્કેલ હોઇ શકે. પરંતુ એવું ઝીણું કાંતવાનું કામ વિલાર્ડ વિગન કરી રહ્યા છે. હાલમાં જ તેમણે થ્રી લિટલ કિંગ્સ નામની કૃતિ બનાવી હોવાની જાહેરાત કરી છે.

વિલાર્ડ વિગન ખૂબ જ જાણીતા માઇક્રો શિલ્પકાર છે. તેમણે સોયમાં દોરો પરોવવા માટે જે છિદ્ર હોય છે, એ કાણાંમાં અવનવી કૃતિઓ બનાવી છે. વિગને નાતાલ પર પોતાની કૃતિની તસ્વીર શેર કરતાં લખ્યું છે કે, તેમણે સોયને એક શક્તિશાળી માઇક્રોસ્કોપની નીચે રાખીને આ કલાકૃતિ તૈયાર કરી છે. એ તસ્વીરમાં આંખના પાંપણના વાળથી રંગ કર્યા છે. તેમણે ત્રણે નાના રાજાઓને રોશની, આશા અને શાંતિનું પ્રતિક ગણાવ્યા છે.

બ્રિટીશ કલાકાર વિગન જે કૃતિ બનાવે છે, તેનું કદ 0.005 મીમી છે. બાળક તરીકે વિલાર્ડ ડાયલેક્સીયા અને એસ્પેર્જર સિન્ડ્રોમથી પીડાતા હતા. જો કે એ બિમારીનું નિદાન તો તેઓ પુખ્ત થઇ ગયા, ત્યારે જ થયું હતું. એ બિમારીને કારણે શાળામાં તેઓ હાંસીનું પાત્ર બની રહેતા અને શિક્ષકોની વઢથી બચવા માટે પાંચ વર્ષની વયથી મૂર્તિ બનાવવાનું મનગમતું કામ કરતા રહ્યા હતા. એ વખતથી માઇક્રોસ્કોપથી જ જોઇ શકાય એવી કૃતિ બનાવવા ભણી કામ કરતા થયા અને આજે તેમની કૃતિઓ લોકોનું ધ્યાનાકર્ષિત કરે છે.

અજીબ કલાકાર, સોયના છીદ્રમાં બનાવી કલાકૃતિ ! 

કેનેડા જતી ફ્લાઈટમાં એક 16 વર્ષના છોકરાએ તેના જ પરિવારના સભ્યો પર હુમલો કરી પરિવારનાં સભ્યોને લાત-મુક્કા માર્યા હતા. આ ઘટના બાદ પાયલટે વિનીપેગ શહેરમાં ફ્લાઈટનું ઈમરજન્સી લેન્ડિંગ કરાવવું પડ્યું હતું.

પોલીસે જણાવ્યું કે આ ઘટના 3 જાન્યુઆરીએ બની હતી, જ્યારે એર કેનેડાની ફ્લાઈટ નંબર 137 ટોરોન્ટોથી કેલગરી જઈ રહી હતી. કેનેડામાં સ્થાનિક ફ્લાઈટમાં એક 16 વર્ષનાં છોકરાએ પરિવારનાં સભ્યો પર હુમલો કરતા ફ્લાઈટને લેન્ડિંગ કરાવવાની નોબત આવી હતી. આ અંગે બહાર આવેલી વિગતોમાં હુમલો કરનાર છોકરો કેનેડાના ગ્રાન્ડ પ્રેરીનો રહેવાસી છે. પોલીસે કહ્યું કે, તેને કસ્ટડીમાં લેવામાં આવ્યો છે. મેડિકલ તપાસ માટે હોસ્પિટલમાં મોકલવામાં આવ્યો છે. અન્ય કોઈને ઈજા થઈ નથી અને હુમલા પાછળનો હેતુ અસ્પષ્ટ છે. પરિવારનાં જે સભ્ય પર હુમલો થયો હતો. તેમને હોસ્પિટલમાં દાખલ કરવામાં આવ્યા છે. આ ઘટનાને કારણે પ્લેન 3 કલાક મોડું પડ્યું હતું.

કેનેડાની ફ્લાઈટમાં 16 વર્ષના કિશોરે એવું તે શું કર્યું કે ઇમરજન્સી લેન્ડિંગ કરવું પડ્યું

AIIMSમાં સર્જન છોકરી સાથે વાત કરી રહ્યો છે અને તેના મગજની સર્જરી કરી રહ્યો છે. ફોટો બતાવીને સર્જન પૂછે છે કે તે કોનો છે? છોકરી કહે છે- આ આપણા પીએમ મોદી છે. છોકરી બોલતી રહી અને ડોક્ટર સર્જરી કરતા રહ્યા. આ સર્જરી ત્રણ કલાકમાં પૂર્ણ થઈ હતી. AIIMSના ડૉક્ટરોનો દાવો છે કે દુનિયામાં પહેલીવાર આટલી નાની ઉંમરના દર્દી પર જાગૃત મગજની સર્જરી કરવામાં આવી છે. ડોક્ટરોએ જણાવ્યું કે બાળકીને લો ગ્રેડની ટ્યુમર છે. તેને આંચકી આવી રહી હતી. ન્યુરો સર્જરી ટીમે સર્જરી કરવાનું નક્કી કર્યું.

એઈમ્સના એનેસ્થેસિયા વિભાગના પ્રોફેસર ડૉ. મિહિર પંડ્યાએ જણાવ્યું હતું કે, બાળકી ખૂબ નાની હોવાને કારણે સર્જરી પડકારજનક હતી. IV દ્વારા દવા આપવામાં આવી હતી, જેના કારણે છોકરી ઊંઘી ગઈ હતી. આ પછી, 16 ઇન્જેક્શન આપીને તમામ જ્ઞાનતંતુઓને અવરોધિત કરવામાં આવે છે. આ પછી સર્જરી શરૂ કરવામાં આવે છે. જાગૃત સર્જરીનો હેતુ એ છે કે જો આ સમયગાળા દરમિયાન બાળક પર કોઈ પ્રતિકૂળ અસર થાય, તો સર્જનને તરત જ ખબર પડી જાય. જો દર્દી અચાનક બોલવાનું બંધ કરી દે, તો સર્જન સમજે છે કે મગજના સ્પીચ એરિયામાં કંઈક થયું છે.

ડૉક્ટર મિહિરે કહ્યું કે જનરલ એનેસ્થેસિયામાં સર્જનને કંઈ ખબર પડતી નથી, કારણ કે દર્દી સંપૂર્ણપણે બેભાન થઈ જાય છે. જ્યારે દર્દી શસ્ત્રક્રિયા પછી ચેતનામાં પાછો આવે છે અને તેની પ્રવૃત્તિઓ શરૂ કરે છે ત્યારે જ સર્જરી બરાબર થઇ કે નહીં તેની જાણકારી મળે છે. પરંતુ એ સમયે સર્જન કશું જ કંઈ કરી શકતા નથી. એ સંજોગોમાં જાગૃત સર્જરી ફાયદાકારક છે. તેણે કહ્યું કે નાની છોકરી માટે તે વધુ પડકારરૂપ હતું. અમે પડકાર સ્વીકાર્યો અને સર્જરી કરી જે સફળ રહી. છોકરીમાં રિકવરી વધુ સારી છે. આશા છે કે તે જલ્દીથી ડિસ્ચાર્જ થઈ જશે.

Offbeat